پُکار مُجھ کو نہ دُنیا چلا ہُوں سُوئے رُسولؐ
تجھے تلاش مِری مُجھ کو جستجوئے رُسولؐ
Pukar mujh ko na duniya chala hoon soo'e Rasoolؐ
Tujhe talash meri mujh ko justuju'e Rasoolؐ
مَیں کیوں نفاذِ قیامت کا انتظار کروں
مِری بہشت ہے شہرِ رسُولؐ کُوئے رسُولؐ
Main kyun nafaz-e-qiyamat ka intezar karun
Meri behisht hai shehar-e-Rasoolؐ koo'e Rasoolؐ
مَیں جب سے آپ کے دَر سے لپٹ کے آیا ہُوں
مِرے وجود میں رچ بس گئی ہے بُوئے رسُولؐ
Main jab se aap ke dar se lipat ke aaya hoon
Mere wujood mein rach bas gayi hai boo'e Rasoolؐ
نقوشِ پائے مُحمّدؐ مِرا قبیلہ ہے
اور اس قبیلے کی سردار آرزُوئے رسُولؐ
Naqoosh-e-paaye Muhammadؐ mera qabee'la hai
Aur is qabeelay ki sardar aarzu'e Rasoolؐ
تمام عُمر کے سجدوں کو غُسل کروادُوں
جو دستیاب ہو اِک قطرۂ وضوئے رسُولؐ
Tamam umr ke sajdon ko ghusal karwadoon
Jo dastiyab ho ik qatra wazoo'e Rasoolؐ
سماعتوں کی بھی معراج ہوتی رہتی ہے
مَیں سُنتا رہتا ہُوں قرآں سے گفتگوئے رسُولؐ
Sama'aton ki bhi miraj hoti rehti hai
Main sunta rehta hoon Quran se guftagu'e Rasoolؐ
مَیں کیسے اُن کے خد و خال بھُول سکتا ہُوں
کِیا ہُوا ہے نگاہوں نے حفِظ رُوئے رسُولؐ
Main kaise un ke khad o khal bhool sakta hoon
Kiya hua hai nigahon ne hifz roo'e Rasoolؐ
ضمیر و ذہن کو سیراب کرتی رہتی ہے
مِرے لہُو سے گُزرتی ہے آبجُوئے رسُولؐ
Zameer o zehan ko seraab karti rehti hai
Mere lahoo se guzarti hai abjoo'e Rasoolؐ
ہتھیلیوں پہ مری مہر و ماہ رکھّے ہیں
کھڑا ہُوا ہُوں مظفّر میں رُوبروئے رسُولؐ
Hatheliyoon pe meri mehr o maah rakhe hain
Khara hua hoon Muzaffar main roobru'e Rasoolؐ
Share This Naat
Share with friends and family
پُکار مُجھ کو نہ دُنیا چلا ہُوں سُوئے رُسولؐ
مظفر وارثی