آپ شاہد مبشّر نذیر آپ ہیں
آپ داعی سراجِ منیر آپ ہیں
Aap shahid mubashir nazeer aap hain
Aap dai siraaj-e-muneer aap hain
آپ ہی سے ہدایت کے سب سلسلے
آپ ہادی ہیں منذر نذیر آپ ہیں
Aap hi se hidayat ke sab silsilay
Aap haadi hain munzir nazeer aap hain
آپ ہی سے منوّر ہوئے دو جہاں
نُورِ مطلق سے خود مستنیر آپ ہیں
Aap hi se munawwar hue do jahan
Noor-e-mutlaq se khud mustaneer aap hain
اہل ایماں پہ لازم ہے دیں کی مدد
اہلِ ایماں کے حامی نصیر آپ ہیں
Ahl-e-imaan pe laazim hai deen ki madad
Ahl-e-imaan ke haami naseer aap hain
آپ کا رب ہے مولا نصیر آپ کا
ہم فقیروں کے مولا نصیر آپ ہیں
Aap ka Rab hai maula naseer aap ka
Hum faqeeron ke maula naseer aap hain
سب یتیموں کے حامی مددگار بھی
سب ضعیفوں کے آقا نصیر آپ ہیں
Sab yateemon ke haami madadgar bhi
Sab zaeefon ke aaqa naseer aap hain
آپ کا خلق ، خلقِ عظیم اے کریم
حسنِ اخلاق میں بے نظیر آپ ہیں
Aap ka khulq, khulq-e-azeem ai kareem
Husn-e-akhlaq mein be nazeer aap hain
شہر علم آپ ہیں دارِ حکمت بھی ہیں
فضلِ رب سے علیم و خبیر آپ ہیں
Shehar-e-ilm aap hain daar-e-hikmat bhi hain
Fazl-e-Rab se aleem o khabeer aap hain
آپ شاہد بھی ہیں آپ مشہود بھی
آپ سامع ، سمیع و بصیر آپ ہیں
Aap shahid bhi hain aap mashhood bhi
Aap saami, sami o baseer aap hain
آپ احمد ، محمد ہیں ، محمود ہیں
سر بہ سر حمدِ ربِّ کبیر آپ ہیں
Aap Ahmad, Muhammad hain, Mahmood hain
Sar ba sar hamd-e-Rabb-e-kabeer aap hain
سدرہ المنتہیٰ سے وراءالوریٰ
جلوۂ ذاتِ حق کے بصیر آپ ہیں
Sidratul-muntaha se waraa-al-waraa
Jalwah-e-zaat-e-Haq ke baseer aap hain
اب ہو نوری کو کیوں کوئی خوفِ بلا
چارہ گر آپ ہیں دستگیر آپ ہیں
Ab ho Noori ko kyu koi khauf-e-bala
Charagar aap hain dastageer aap hain
Share This Naat
Share with friends and family
آپ شاہد مبشّر نذیر آپ ہیں
محمد ظفراقبال نوری