مونسِ بے کساں کی آمد ہے
سرورِ سروراں کی آمد ہے
Monis-e be kasan ki aamad hai
Sarwar-e sarwaraan ki aamad hai
رقص میں ہیں چمن کے لالہ و گل
نازشِ گلستاں کی آمد ہے
Raqs mein hain chaman ke laala o gul
Nazish-e gulistaan ki aamad hai
ہے یہ مژدہ نسیم کے لب پر
مرحبا باغباں کی آمد ہے
Hai yeh mujda naseem ke lab par
Marhaba baghbaan ki aamad hai
ہر طرف ہے تجلیِ رحمت
مہرِ حق آسماں کی آمد ہے
Har taraf hai tajalli-e rehmat
Mehr-e haq aasman ki aamad hai
بقعۂ نور ہے درِ ہاشم
رحمتِ کُل جہاں کی آمد ہے
Baq'ah-e noor hai dar-e Hashim
Rehmat-e kul jahan ki aamad hai
خیرِ جن و بشر کے دن آئے
ہادیِ انس و جاں کی آمد ہے
Khair-e jinn o bashar ke din aaye
Haadi-e ins o jaan ki aamad hai
سر بلندیِ دینِ حق کے لیے
دین کے پاسباں کی آمد ہے
Sar bulandi-e deen-e haq ke liye
Deen ke pasbaan ki aamad hai
اب نہ ڈوبے گی کشتیِ ہستی
ناخدائے جہاں کی آمد ہے
Ab na doobaygi kashti-e hasti
Na khuda-e jahan ki aamad hai
اب نہ بھٹکے گا کارواں احسؔن
رہبرِ کارواں کی آمد ہے
Ab na bhatkayga kaarwaan Ahsan
Rehbar-e kaarwaan ki aamad hai
Share This Naat
Share with friends and family
مونسِ بے کساں کی آمد ہے
احسن اعظمی