بہ تیغِ ابرو ، سرِ بلا کو قلم کریں گے
وہ جانِ ہستی مِرے غموں کو عدم کریں گے
Bah tegh-e-abro, sar-e-bala ko qalam karenge
Woh jan-e-hasti mere ghamon ko adam karenge
کبھی نمازِ لقا سے کر کے ہمیں مشرف
وہ چشم نم کے وضو کدے کو حرم کریں گے
Kabhi namaz-e-laqa se kar ke hamen musharraf
Woh chashm-e-nam ke wuzu kade ko haram karenge
عطائے ناقص نہیں ہے شایان شان ان کے
کریم جب بھی کرم کریں گے ، اتم کریں گے
Atae naqis nahin hai shayan shan unke
Karim jab bhi karam karenge, atam karenge
مقامِ انسانیت بتائیں گے عصرِ نو کو
یوں آج ہم مدحتِ جمیل الشیم کریں گے
Maqam-e-insaniyat batayenge asr-e-no ko
Yun aaj hum madhat-e-jameel ush-shiyam karenge
کریں گے تذکار قدّ و زلف و دہان احمد
پئے الف لام میم ، دفعِ الم کریں گے
Kareinge tazkar qadd o zulf o dahan-e-Ahmed
Payye alif laam meem, daf-e-alam karenge
ہے طاقِ سینہ میں جن کے عشقِ رسول روشن
خزف کو شیشہ نظر سے وہ جام جم کریں گے
Hai taq-e-seena mein jin ke ishq-e-Rasool roshan
Khazaf ko shisha nazar se woh jaam-e-jam karenge
غلام چاہیں ترے تو چھاگل سمیٹے ساگر
کرم پہ آئیں تو ایک قطرے کو یم کریں گے
Ghulam chahein tere to chhaghal samete sagar
Karam pe aayein to ek qatrey ko yam karenge
جنہوں نے گلشن کیا تھا نارِ خلیل کو ، وہ
مِری جحیمِ حیات کو بھی ارم کریں گے
Jinhu ne gulshan kiya tha nar-e-Khalil ko, woh
Meri Jaheem-e-hayat ko bhi iram karenge
اے رفع بخشِ جہاں ! جبھی یہ زبر بنے گا
اگر معظم کو آپ زیرِ قدم کریں گے
Ae rafa bakhsh-e-jahan! Jabhi yeh zabar banega
Agar moazim ko aap zer-e-qadam karenge
Share This Naat
Share with friends and family
بہ تیغِ ابرو سرِ بلا کو قلم کریں گے
معظم سدا معظم مدنی