مری کشتی نوں ڈبن توں بچا دے یارسول اللہ
طفیل غوثِ اعظم پار لا دے یارسول الله
Meri kashti noo duban toon bacha de ya Rasool Allah
Tufail e Ghaus e Azam paar la de ya Rasool Allah
تیرے سوہنے مدینے دی سدا جو خیر منگدے نے
مدینہ پاک اوہناں نوں دکھا دے یا رسول اللہ
Tere sohne Madine di sada jo khair mangde ne
Madina Pak ohnan noo dikha de ya Rasool Allah
مسلسل وگڑ دی جاندی میری تقدیر مَتھے دی
خُدا دے واسطے ایہنوں بنادے یا رسول اللہ
Musalsal vigar di jandi meri taqdeer mathay di
Khuda de wastay ehenoo bana de ya Rasool Allah
میں بُھلا ہاں تے بُھل دا جارہیاں ہر موڑ دے اُتوں
مدینے پاک دے رستے تے پادے یارسول اللہ
Main bhula haan te bhool da jariyaan har mor de utton
Madine Pak de raste te pa de ya Rasool Allah
میں تیرے نام دا ہوکا ناں کیوں تھاں تھاں تے جا دیندا
سدا ٹکڑے تیرے در دے نے کھاہدے یا رسول اللہ
Main tere naam da hooka naan kyu tha tha te ja dinda
Sada tukde tere dar de ne khahde ya Rasool Allah
دنوں دن جاوندی ودھ دی اے حیرانی پریشانی
پریشانی دے ویلے ہُن مُکا دے یا رسول اللہ
Dinon din jandi vadh di ae hairani pareshani
Pareshani de vele hun muka de ya Rasool Allah
سگ دربارِ طیبہ دی لگا کے مُہر صائم نے
ازل توں ہین گل پائے قلادے یا رسول اللہ
Sagg darbar e Taiba di laga ke mohar Sa'im ne
Azal toon hai gal paye qilade ya Rasool Allah
Share This Naat
Share with friends and family
مری کشتی نوں ڈبن توں بچا دے یارسول اللہ
علامہ صائم چشتی