عشق کی آہ و زاریاں نہ گئیں
حسن کی تاجداریاں نہ گئیں
Ishq ki aah o zariyaan na gayeen
Husn ki tajdhaariyaan na gayeen
چشم ساقی اٹھی تھی کچھ ایسے
مے کشوں کی خماریاں نہ گئیں
Chashm saqi uthi thi kuch aise
May kashon ki khmaariyaan na gayeen
دور رہ کر نبی کی چوکھٹ سے
چند گھڑیاں گزاریاں نہ گئیں
Door reh kar Nabi ki chaukhat se
Chand ghariyaan guzaariyaan na gayeen
ہے نگاہوں میں گنبد خضری
پھر بھی یہ بے قراریاں نہ گئیں
Hai nigahon mein gumbad e khazra
Phir bhi ye beqariyaan na gayeen
جب پکارا مدد کو آ ہی گئے
رائیگاں اپنی زاریاں نہ گئیں
Jab pukara madad ko aa hi gaye
Raa'igan apni zariyaan na gayeen
ہوں لحد میں بھی منتظر ان کا
مر کے بھی انتظاریاں نہ گئیں
Hon lahd me bhi muntazir un ka
Mar ke bhi intezaariyaan na gayeen
جب سے دیکھا ہے ان کو صورت میں
صورتیں دل سے پیاریاں نہ گئیں
Jab se dekha hai un ko soorat me
Sooraten dil se piaariyaan na gayeen
سبز گنبد کی یاد میں پل پل
روح کی اشک باریاں نہ گئیں
Sabz gumbad ki yaad mein pal pal
Rooh ki ashk baariyaan na gayeen
اے نیازی فراق طیبہ میں
تیری اختر شماریاں نہ گئیں
Ae Niazi firaaq e Taiba mein
Teri akhtar shmaariyaan na gayeen
Share This Naat
Share with friends and family
عشق کی آہ و زاریاں نہ گئیں
عبدالستار نیازی