ہر دَم سرِ افلاک ہے خَم آپؐ کی خاطر
کونین ہیں یا شاہِؐ اُمم! آپؐ کی خاطر
har dam sr e aflaak hai kham aapؐ ki khatir
konain hain ya shahؐ e umam! aapؐ ki khatir
ہیں گرمِ سفر سُوئے حرم آپ کی خاطر
بیتاب ہیں سَر تا بہ قدم آپؐ کی خاطر
hain garm e safar soo'e haram aap ki khatir
beitaab hain sr ta ba qadam aapؐ ki khatir
ہوتے نہ اگر آپؐ تو ہوتی نہ کوئی چیز
سب کچھ ہے، وجود اور عدم آپؐ کی خاطر
hote na agar aapؐ to hoti na koi cheez
sab kuch hai, wajood aur adam aapؐ ki khatir
کیوں کر نہ اِنہیں اپنے کلیجے سے لگاؤں
خوش آئے ہیں آزار و الم آپؐ کی خاطر
kyun kar na inhein apne kaleje se lagaoon
khush aaye hain azaar o alam aapؐ ki khatir
اب بھی جو گرز آپؐ کےکُوچے میں نہ ہوگا
دُنیا سے گزر جائیں گے ہم آپؐ کی خاطر
ab bhi jo garz aapؐ k koochae mein na hoga
duniya se guzr jaayenge hum aapؐ ki khatir
چھِینٹا کوئی الطاف و کرم کا مِرے دل پر
بھَڑ کی ہے بہت آتشِ غم آپؐ کی خاطر
chhinta koi altaf o karam ka mire dil par
bhadki hai bohat atish e gham aapؐ ki khatir
مَیں آپؐ کا ہُوں اور خدا ہے مِرا والی
ہیں اُس کے یہ سب ناز و نِعَم آپؐ کی خاطر
main aapؐ ka hoon aur khuda hai mera wali
hain us ke yeh sab naaz o ni'am aapؐ ki khatir
جو چاہیے منوائیے یا شاہِؐ دو عالَم!
اللہ کے ہیں لُطف و کرم آپؐ کی خاطر
jo chahiye manwaaayie ya shahؐ e do aalam!
Allah ke hain lutf o karam aapؐ ki khatir
رونق ہے زمانے میں حضور ؐ آپ کے دَم سے
یکجا ہیں عرب اور عجم آپؐ کی خاطر
ronaq hai zamane mein Huzoorؐ aap ke dam se
yakja hain arab aur ajam aapؐ ki khatir
لکّھے گا بصد شوق، نصیرؔ آپ کی نعتیں
اب سلسلہ جُنباں ہے قلم آپؐ کی خاطر
lakkhe ga basad shauq, Naseerؔ aap ki naaten
ab silsila junbaan hai qalam aapؐ ki khatir
Share This Naat
Share with friends and family
ہر دَم سرِ افلاک ہے خَم آپؐ کی خاطر
سید نصیرالدیں نصیر