اس طرح تُو نے ہر انساں سے محبت کی تھی
آدمیّت نے تِرے ہاتھ پہ بیعت کی تھی
Is tarah tu ne har insaan se mohabbat ki thi
Adamiat ne tere haath pe bait ki thi
وقت کے آخری لمحے بھی کھڑے تھے پیچھے
سَحر و شام کی جب تُو نے امامت کی تھی
Waqt ke aakhri lamhe bhi khade the peeche
Sehar o shaam ki jab tu ne imamat ki thi
پرورش پائی تھی تہذیب نے آنگن میں تِرے
تیرے بچپن نے بھی اُستادیِ حکمت کی تھی
Parwarish pai thi tahzeeb ne aangan mein tere
Tere bachpan ne bhi ustadi-e-hikmat ki thi
ہر پیمبر ترے سائے میں لپٹ کر آیا
تیری آواز نے تکمیلِ حقیقت کی تھی
Har paighambar tere saaye mein lipat kar aaya
Teri aawaz ne takmeel-e-haqeeqat ki thi
تیرے اِک سانس کی قیمت بھی کوئی کیا دے گا
تہی دستی میں بھی شاہوں کی کفالت کی تھی
Tere ik saans ki qeemat bhi koi kya de ga
Tehi dasti mein bhi shahoon ki kifalat ki thi
دیکھ لیتا تھا پسِ پُشت بھی آگے کی طرح
تجھ کو خالق نے وہ بینائی ودیعت کی تھی
Dekh leta tha pas-e-pusht bhi aage ki tarah
Tujh ko Khaaliq ne wo beenai widiyat ki thi
اس کا اِک رُخ ہی عطا کر مری بے صبری کو
تُو نے ہر حال میں جس طرح قناعت کی تھی
Is ka ik rukh hi ata kar meri be sabri ko
Tu ne har haal mein jis tarah qana'at ki thi
کوئی بھی آئِنہ کیا اِس کے مقابل ٹھہرے
سادگی نے تِری آرائشِ اُمّت کی تھی
Koi bhi aina kya is ke muqabil thehrey
Saadgi ne teri araa'ish-e-ummat ki thi
کاش اُسی طرح مظفّر تری تقلید کرے
جس طرح تیری صحابہ نے اطاعت کی تھی
Kaash usi tarah Muzaffar teri taqleed kare
Jis tarah teri sahaba ne ita'at ki thi
Share This Naat
Share with friends and family
اس طرح تُو نے ہر انساں سے محبت کی تھی
مظفر وارثی