چلے نہ ایمان اِک قدم بھی اگر ترا ہمسفر نہ ٹھہرے
تِرا حوالہ دیا نہ جائے تو زندگی معتبر نہ ٹھہرے
Chale na imaan ik qadam bhi agar tera humsafar na thehre
Tera hawala diya na jaye to zindagi mutabar na thehre
تُو سایۂ حق پہن کے آیا ہر اک زمانے پہ تیرا سایہ
نظر تری ہر کِسی پہ لیکن کسی کی تُجھ پر نظر نہ ٹھہرے
Tu sayah-e-haq pehan ke aaya har ik zamane pe tera sayah
Nazar teri har kisi pe lekin kisi ki tujh par nazar na thehre
لبوں پہ ایّاکَ نَسْتَعِیں ہے اور اس حقیقت پہ بھی یقیں ہے
اگر ترے واسطے سے مانگوں کوئی دُعا بے اثر نہ ٹھہرے
Labon pe iyyaka nastaeen hai aur is haqiqat pe bhi yaqeen hai
Agar tere wastay se maangon koi dua be-asar na thehre
حقیقتِ بندگی کی راہیں مدینۂ طیّبہ سے گُزریں
مِلے نہ اُس شخص کو خُدا بھی جو تیری دہلیز پر نہ ٹھہرے
Haqiqat-e-bandagi ki rahein Madina-e-Tayyiba se guzrein
Mile na us shakhs ko Khuda bhi jo teri dehliz par na thehre
کھلی ہوں آنکھیں کہ نیند والی نہ جائے کوئی بھی سانس خالی
درود جاری رہے لبوں پر یہ سلسلہ لمحہ بھر نہ ٹھہرے
Khuli hon aankhen ke neend wali na jaye koi bhi saans khaali
Darood jari rahe labon par ye silsila lamha bhar na thehre
تجھے مَیں چاہوں اور اتنا چاہوں کہ سب کہیں تیرا نقشِ پُا ہوں
ترے نشانِ قدم کے آگے کوئی حسیں رہگزر نہ ٹھہرے
Tujhe main chahoon aur itna chahoon ke sab kahen tera naqsh-e-pa hoon
Tere nishan-e-qadam ke aage koi haseen rahguzar na thehre
یہ میرے آنسو خراج میرا مرا تڑپنا علاج میرا
مرض مرا اُس مقام پر ہے جہاں کوئی چارہ گر نہ ٹھہرے
Ye mere aansu khiraj mera mera tadapna ilaaj mera
Maraz mera us maqam par hai jahan koi charah gar na thehre
دکھا دو جلوہ بغور اس کو بُلا لو اک بار اَور اِس کو
کہیں مظفّر بھی شاخ پر سُوکھ جانے والا ثمر نہ ٹھہرے
Dikha do jalwa baghor is ko bula lo ik baar aur is ko
Kahin Muzaffar bhi shaakh par sookh jane wala samar na thehre
Share This Naat
Share with friends and family
چلے نہ ایمان اِک قدم بھی اگر ترا ہمسفر نہ ٹھہرے
مظفر وارثی