naat
لکھوں مدح پاک میں آپ کی مری کیا مجال مرے نبی
لکھوں مدح پاک میں آپ کی مری کیا مجال مرے نبی
نہ مزاجِ حرف کی آگہی نہ ہوں خوش مقال مرے نبی
Likhoun madah paak mein aap ki mari kya mazaal mare Nabi
Na mizaaj-e-harf ki aagahi na hoon khush maqaal mare Nabi
مجھے اپنے رنگ میں رنگ دیں مرے دل کو اپنی اُمنگ دیں
ہو عطا وہ لذتِ سوز جاں جو ہو لازوال مرے نبی
Mujhe apne rang mein rang dein mare dil ko apni umang dein
Ho ata woh lazat-e-soz jaan jo ho la-zawal mare Nabi
میں نواحِ شب میں بھٹک گیا نئے سُورجوں کی تلاش میں
کوئی روشنی کہ بدل سکے مری شب کا حال مرے نبی
Mein nawaah-e-shab mein bhatak gaya naye soorajon ki talash mein
Koi roshni ke badal sake mari shab ka haal mare Nabi
کہیں نفرتیں کہیں رنجشیں کہیں خاک و خون کی بارشیں
مرے عہد میں ہے عجیب رنگ کا اشتعال مرے نبی
Kahin nafratein kahin ranjhishain kahin khaak o khoon ki baarishain
Mare ahad mein hai ajeeb rang ka ishtiaal mare Nabi
مری زندگی کی کتاب میں سبھی حرف نعت کے حرف ہوں
اسی ذکر و فکر میں ہوں بسر مرے ماہ و سال مرے نبی
Mare zindagi ki kitaab mein sabhi harf naat ke harf hon
Isi zikar o fikr mein hoon basar mare maah o saal mare Nabi
جہاں شاخِ نعت لہکتی ہے جہاں کائنات مہکتی ہے
کوئی نعت ہو اسی شہر میں ہے یہی سوال مرے نبی
Jahan shaakh-e-naat lehakti hai jahan kaainat mehakti hai
Koi naat ho isi shehar mein hai yahi sawaal mare Nabi
لکھے حرفِ زندہ بھی نعت میں ہے صبیحؔ کی یہی آرزو
کوئی ایسی طرز سخن ملے پئے عرضِ حال مرے نبی
Likhe harf-e-zinda bhi naat mein hai Sabih ki yahi aarzu
Koi aisi tarz-e-sukhan mile paaye arz-e-haal mare Nabi
Share This Naat
Share with friends and family
لکھوں مدح پاک میں آپ کی مری کیا مجال مرے نبی
سید صبیح الدین صبیح رحمانی