سرِ ساحل نظر آتے ہیں سفینے کتنے
میرے آقاؐ نے بسائے ہیں مدینے کتنے
Sir-e sahil nazar aate hain safeene kitne
Mere aqa ne basaaye hain madine kitne
اس حقیقت کو تو جبریلِ امیں سے پوچھو
زیرِ پا آئے ہیں معراج میں زینے کتنے
Is haqeeqat ko to jabreel-e-ameen se poocho
Zer-e-pa aaye hain meraaj mein zeene kitne
کتنی تاریک فضائیں تھیں دِل و جاں پہ محیط
روشنی آئی تو روشن ہوئے سینے کتنے
Kitni tareek fazaayein thein dil o jaan pe muheet
Roshni aayi to roshan huye seene kitne
کِس قدر اوج پہ پہنچا ہے غلاموں کا نصیب
پرتوِ مہر سے چمکے ہیں نگینے کتنے
Kis qadar oaj pe pohancha hai ghulamon ka naseeb
Partao-e-meher se chamke hain nageene kitne
آپؐ کے نقشِ قدم سامنے رکھ کر دیکھو
پائے ہیں زیست نے جینے کے قرینے کتنے
Aap ke naqsh-e-qadam samne rakh kar dekho
Paaye hain zeest ne jeene ke qareene kitne
میرا ایماں مرا قرآں ، مرا کعبہ ‘ مرا دل
مجھ پہ احسان کئے میرے نبیؐ نے کتنے
Mera imaan mera Qur'an, mera Kaaba ' mera dil
Mujh pe ehsaan kiye mere Nbi ne kitne
آپؐ کی اک نگہِ لُطف کے صدقے میں حنیفؔ
کیا بتاؤں کہ ہیں سینے میں دفینے کتنے
Aap ki ek nageh-e-lutf ke sadqe mein Haneef
Kya bataoon ke hain seene mein dafeene kitne
Share This Naat
Share with friends and family
سرِ ساحل نظر آتے ہیں سفینے کتنے
حنیف اسعدی