نشاطِ خواب کی صورت مرے ہنر کے چراغ
ثنا کے طاق پہ رکھے ہیں چشمِ تر کے چراغ
Nishat-e khwab ki surat mere hunar ke charagh
Sana ke taaq pe rakhe hain chashm-e tar ke charagh
خوشا وہ ارضِ مدینہ، خوشا وہ شام و سحر
نظر میں آج بھی رقصاں ہیں بام و در کے چراغ
Khush-a wo arz-e Madina, khush-a wo shaam o seher
Nazar mein aaj bhi raqsaan hain baam o dar ke charagh
نشانِ منزلِ مقصود کیا ملے گا انہیں
نظر میں جن کی نہیں تیری رہ گذر کے چراغ
Nishan-e manzil-e maqsood kya mile ga unhein
Nazar mein jin ki nahin teri rah guzar ke charagh
وہ ایک اسم کہ طغریٰ جبینِ وقت پہ ہے
اُسی کے فیض سے روشن مرے ہنر کے چراغ
Wo ek ism ke tughra jabeen-e waqt pe hai
Usi ke faiz se roshan mere hunar ke charagh
ابوذری مرا شیوہ قرار پایا ہے
مری نظر میں ہیں بے نور سیم و زر کے چراغ
Abuzari mera shewa qarar paaya hai
Meri nazar mein hain be noor seem o zar ke charagh
بہت قریب کا رشتہ ہے خاک و نور کے بیچ
حریمِ نور میں روشن ہوئے بشر کے چراغ
Bohat qareeb ka rishta hai khaak o noor ke beech
Hareem-e noor mein roshan hue bashar ke charagh
یہ قیصری، یہ جمی، یہ کئی، یہ فغفوری
ترے چراغ کے آگے اِدھر اُدھر کے چراغ
Ye Qaisari, ye Jami, ye Qai, ye Faghfoori
Tere charagh ke aage idhar udhar ke charagh
ہے چاند ماند، ستارے بھی بجھ گئے سارے
جلے ہیں جب سے مدینے کے تاجوَر کے چراغ
Hai chaand maand, sitare bhi bujh gaye saare
Jale hain jab se Madine ke tajwar ke charagh
حضورؐ ہاتھ سے چھوٹا ہے رشتۂ وحدت
جَلا رہے ہیں مرے گھر کو، میرے گھر کے چراغ
Huzoor haath se chhuta hai rishta-e wahdat
Jala rahe hain mere ghar ko, mere ghar ke charagh
ہے شمعِ دل کو طلب بزمِ ناز کی شاکر
طوافِ گنبدِ خضریٰ میں ہیں نظر کے چراغ
Hai shama-e dil ko talab bazm-e naaz ki Shakir
Tawaf-e Gunbad-e Khizra mein hain nazar ke charagh
Share This Naat
Share with friends and family
نشاطِ خواب کی صورت مرے ہنر کے چراغ
سیّد شاکر القادری چِشتی نِظامی