وہ سرکار جب سے ہمارے ہوئے ہیں
ہمارے تو وارے نیارے ہوئے ہیں
woh Sarkar jab se hamare huwe hain
hamare to ware nyare huwe hain
ملی خیر شاہ و گدا کو جہاں سے
اُسی در پہ دامن پسارے ہوئے ہیں
mili khair Shah o gada ko jahan se
usi dar pe daman pasare huwe hain
برستی ہے جس در پہ رحمت خُدا کی
اُسی در کی جانب سدھارے ہوئے ہیں
barasti hai jis dar pe rehmat khuda ki
usi dar ki janib sudhare huwe hain
ذرا آنکھ موندیں تو دِکھتا ہے گُنبد
مناظر وہ دل میں اُتارے ہوئے ہیں
zara aankh mundein to dikhta hai gunbad
manazir woh dil mein utare huwe hain
محبّت نبی کی ہے جن کے دلوں میں
وہی اپنا ایماں نکھارے ہوئے ہیں
mohabbat Nabi ki hai jin ke dilon mein
wahi apna imaan nikhaare huwe hain
جنہیں مُصطفٰے کی شفاعت ملی ہے
اُنہیں مغفرت کے اشارے ہوئے ہیں
jinhein Mustafa ki shafaat mili hai
unhein maghfirat ke ishaare huwe hain
درِ مُصطفٰے سے جو کٹ کر جئے ہیں
اُنہیں دو جہاں میں خسارے ہوئے ہیں
dar-e-Mustafa se jo katt kar jiye hain
unhein do jahan mein khassare huwe hain
بھلا کر رہے ہیں جو خَلقِ خُدا کا
وہی لوگ مولا کے پیارے ہوئے ہیں
bhala kar rahe hain jo khalq-e-khuda ka
wahi log Maula ke pyare huwe hain
وہ زہرا ، علی ، ہوں کہ شبّیر و شبّر
سبھی مُصطفٰے کے دُلارے ہوئے ہیں
woh Zahra, Ali, hoon ke Shabbir o Shabber
sabhi Mustafa ke dulare huwe hain
ملی جن کو صحبت مرے مُصطفٰے کی
وہ چرخِ ہدایت کے تارے ہوئے ہیں
mili jin ko sohbat mere Mustafa ki
woh charkh-e-hidayat ke tare huwe hain
جلیل آ کے شاہِ مدینہ کے در پر
مُقدّر کو اپنے سنوارے ہوئے ہیں
Jaleel a ke Shah-e-Madina ke dar par
muqaddar ko apne sanware huwe hain
Share This Naat
Share with friends and family
وہ سرکار جب سے ہمارے ہوئے ہیں
حافظ عبدالجلیل