کیا مرتبہ ہے اُس تن عنبر سرشت کا
جس نے کبھی گلہ نہ کیا سنگ و خشت کا
Kya martaba hai us tan-e-anbar sirisht ka
Jis ne kabhi gila na kya sang o khisht ka
آزادیء حرم سے غلاموں کے دن پھرے
انسان پر وبال تھا دَیر و کنشت کا
Azadi e haram se ghulamon ke din phire
Insan par wabal tha daer o knasht ka
کُنجِ حیات قعرِ جہنّم سے کم نہ تھا
آپؐ آئے زندگی پہ کھُلا در بہشت کا
Kunj e hayat qarar e jahannam se kam na tha
Aap ﷺ aaye zindagi pe khula dar e bahisht ka
اُس وقت درسِ امر و نہی آپؐ نے دیا
دُنیا کو جب شعور نہ تھا خوب و زشت کا
Us waqt dars e amr o nahi aap ﷺ ne diya
Duniya ko jab sha'oor na tha khub o zesht ka
اُن سرکشوں کو آپؐ نے خیر آشنا کیا
احساس تک نہ تھا جنہیں اپنی سرشت کا
Un sarkashon ko aap ﷺ ne khair ashna kya
Ehsaas tak na tha jenhen apni sirisht ka
منشُورِ زندگی ہو کہ دستُورِ بندگی
عنواں ہیں آپؐ ہی تو ہر اک سر نوشت کا
Manshoor e zindagi ho ke dastoor e bandagi
Unwan hain aap ﷺ hi to har ek sar-e-nwisht ka
لُطفِ نبیؐ بھی چاہئے فضلِ خدا کے ساتھ
اعمال پر مدار نہیں ہے بہشت کا
Lutf e nabi ﷺ bhi chahiye fazl e Khuda ke sath
Aamal par madar nahi hai bahisht ka
Share This Naat
Share with friends and family
کیا مرتبہ ہے اُس تن عنبر سرشت کا
حنیف اسعدی