بے فیض تیرا عشق عقیدت تری عبث
تو بے عمل ہے حُبِ رسالت تری عبث
Be faiz tera ishq aqeedat teri abath
Tu be amal hai hub-e-risalit teri abath
تو اتباعِ سنّتِ سرور میں خود کو ڈھال
ورنہ فقط زبانی ہے الفت تری عبث
Tu itteba-e-sunnat-e-sarwar mein khud ko dhal
Warna faqat zabani hai ulfat teri abath
روزے ہوں یا نماز ہو، حج ہو، زکوٰۃ ہو
بے عشقِ مصطفیٰؐ ہے عبادت تری عبث
Rozay hon ya namaz ho, hajj ho, zakat ho
Be ishq-e-Mustafaؐ hai ibadat teri abath
تجھ کو یقیں نبیؐ کی شفاعت پہ گر نہیں
پھر بہتری کی حشر میں چاہت تری عبث
Tujh ko yaqeen Nabiؐ ki shafaat pe gar nahi
Phir bhetari ki hashr mein chahat teri abath
خالی ہے تیرا قلب جو عشقِ رسولؐ سے
زاہد ہے پھر تو خواہشِ جنّت تری عبث
Khali hai tera qalb jo ishq-e-Rasoolؐ se
Zahid hai phir tu khwahish-e-jannat teri abath
شیدائیِ رسولِ خدا تو اگر نہیں
شہرِ نبیؐ میں پھر ہے سکونت تری عبث
Shee’dayi-e-Rasool-e-Khuda tu agar nahi
Shehr-e-Nabiؐ mein phir hai sukoonat teri abath
رکھتا ہے تو کسی بھی صحابی سے بغض اگر
آلِ رسولؐ سے ہے محبت تری عبث
Rakhta hai tu kisi bhi sahabi se bughz agar
Aal-e-Rasoolؐ se hai mohabbat teri abath
دل میں متاعِ حُبِ پیمبر اگر نہیں
دولت ہزار پاس ہو دولت تری عبث
Dil mein mata-e-hub-e-paighambar agar nahi
Dolat hazar paas ho dolat teri abath
قول و عمل میں تیرے ہے احسنؔ اگر تضاد
پھر تو ہے مدحِ شانِ رسالت تری عبث
Qaul o amal mein tere hai Ahsanؔ agar tazad
Phir tu hai madh-e-shan-e-risalit teri abath
Share This Naat
Share with friends and family
بے فیض تیرا عشق عقیدت تری عبث
احسن اعظمی