رحمت سراپا نورِ نبوت لیے ہوئے
وہ آئے سر پہ تاجِ شفاعت لیے ہوئے
Rehmat sarapa noor-e-nabuwat liye hue
Woh aaye sir pe taaj-e-shafaat liye hue
مارہرہ ہے مدینے کی قربت لیے ہوئے
اللہ کے حبیب کی نسبت لیے ہوئے
Marhara hai madine ki qurbat liye hue
Allah ke habib ki nisbat liye hue
نورِ خدا سے نورِ محمد جدا نہیں
جیسے کہ پھول رہتا ہے نکہت لیے ہوئے
Noor-e-khuda se noor-e-Muhammad juda nahi
Jaise ke phool rehta hai nakkat liye hue
ان کو عطا کیا گیا معراج کا شرف
لوٹے وہ لا مکاں سے عبادت لیے ہوئے
Un ko ata kiya gaya meraaj ka sharaf
Lote woh la makaan se ibadat liye hue
آقا ہیں نور، نور علیٰ نور، نور گر
بشری لباس میں ملکیّت لیے ہوئے
Aaqa hain noor, noor ala noor, noor gar
Bashri libaas mein mulkiyat liye hue
روح الامیں بھی سدرہ سے آگے نہ جاسکے
سرکار پہنچے عرش پہ ہمت لیے ہوئے
Rooh al-ameen bhi sidra se aage na jaa sake
Sarkar puhnche arsh pe himmat liye hue
یہ مہر و ماہِ ارض و سما ان کے دم سے ہیں
محبوبِ رب ہیں مرکزِ عظمت لیے ہوئے
Yeh mehr o maah-e-arz o sama un ke dum se hain
Mahboob-e-Rabb hain markaz-e-azmat liye hue
واللیل والضحیٰ سے مراد ان کے زلف و رخ
والنجم فضلِ حق کی شہادت لیے ہوئے
Wal-lail wal-duha se muraad un ke zulf o rukh
Wal-najm fazl-e-haqq ki shahaadat liye hue
قرآن خُلقِ پاک ہے میرے حضور کا
ہر قول و فعل ان کا ہے برکت لیے ہوئے
Quran khulq-e-paak hai mere huzoor ka
Har qoul o fi'l un ka hai barkat liye hue
یوں معجزات اور رسولوں کو بھی ملے
سرکار آئے کوثر و کثرت لیے ہوئے
Youn mawjizat aur rasoolon ko bhi mile
Sarkar aaye kausar o kasrat liye hue
نسلِ رسول کو وہ فضیلت عطا ہوئی
ہے بچہ بچہ نورِِ ولایت لیے ہوئے
Nasal-e-rasool ko woh fazilat ata hui
Hai bacha bacha noor-e-wilayat liye hue
ہم پر کبھی نہ شرک کا الزام آئے گا
دل میں نبی کی گرچہ ہیں صورت لیے ہوئے
Hum par kabhi na shirk ka ilzam aaye ga
Dil mein Nabi ki gharche hain surat liye hue
ہم عاصیوں کی ناؤ ترانے وہ آئیں گے
دامن میں موجِ بحرِ سخاوت لیے ہوئے
Hum aasion ki nao taraane woh aayenge
Daaman mein mauj-e-Behr-e-sakhawat liye hue
اے کاش موت آتی مدینے کی خاک پر
طیبہ سے لوٹے بس یہی حسرت لیے ہوئے
Ae kaash maut aati madine ki khaak par
Taiba se lote bas yahi hasrat liye hue
دوزخ طرف فرشتے مجھے لے چلیں گے جب
سرکار آہی جائیں گے رحمت لیے ہوئے
Dozakh taraf farishte mujhe le chalenge jab
Sarkar aahi jayenge rehmat liye hue
ہو موت و زندگی فقط اللہ کے لیے
زندہ رہیں رسول کی الفت لیے ہوئے
Ho maut o zindagi faqat Allah ke liye
Zinda rahen Rasool ki ulfat liye hue
اچھے میاں کے در کی کرامت تو دیکھیے
دربان ہیں یہاں کے حکومت لیے ہوئے
Achay mian ke dar ki karamat to dekhiye
Darban hain yahan ke hukoomat liye hue
احمد رضا کو فیض ہے آلِ رسول کا
زندہ ہیں آج تک وہ فضیلت لیے ہوئے
Ahmed Raza ko faiz hai Aal-e-Rasool ka
Zinda hain aaj tak woh fazilat liye hue
منکر نکیر قبر میں جب میری آئیں گے
اٹھ جاؤں گا درود کی عادت لیے ہوئے
Munkir Nakeer qabr mein jab meri aayenge
Uth jaaunga darood ki aadat liye hue
یارب ہمیں ہو جذبہء احمد رضا عطا
زندہ رہیں نبی کی محبت لیے ہوئے
Yaarab humein ho jazba-e-Ahmed Raza ata
Zinda rahen Nabi ki muhabbat liye hue
نظمی کے پاس اور تو کچھ بھی نہیں مگر
بیٹھا ہے خاندانی شرافت لیے ہوئے
Nazmi ke paas aur to kuch bhi nahi magar
Baitha hai khandani sharafat liye hue
Share This Naat
Share with friends and family
رحمت سراپا نورِ نبوت لیے ہوئے
سید آل رسول حسنین میاں برکاتی نظمی