تجھے مَیں اس قدر چاہوں کہ دل گلزار بن جائے
جو آنسو آنکھ سے ٹپکے وہی مہکار بن جائے
Tujhe main is qadar chaahoon ke dil gulzar ban jaye
Jo aansoo aankh se tapke wohi mehkaar ban jaye
مرے شہر جنوں پر ایسی بارش ہو محبت کی
مدینہ میرا دل اور میری جاں سرکارؐ بن جائے
Mere shehar e junoon par aisi barish ho mohabbat ki
Madina mera dil aur meri jaan sarkaarؐ ban jaye
نکل پاؤں کبھی تیری تمنا کی نہ جنت سے
تری یادوں کی خوشبو چارسُو دیوار بن جائے
Nikal paaon kabhi teri tamanna ki na jannat se
Teri yaadon ki khushboo chaarsooo deewar ban jaye
ابوبکر و عمر عثمان و حیدر یا ابوذر ہو
جسے تجھ سے محبت ہو میرا وہ یار بن جائے
Abu Bakr o Umar Usman o Haidar ya Abu Zar ho
Jise tujh se mohabbat ho mera woh yaar ban jaye
مری نظروں پہ ہو ایسا اثر تیری محبت کا
مَیں جس ویرانے کو دیکھوں وہی گلزار بن جائے
Meri nazron pe ho aisa asar teri mohabbat ka
Main jis veerane ko dekhun wohi gulzar ban jaye
ترے یاروں کے بارے میں کروں مَیں شاعری ایسی
قلم جو شعر بھی لکھے وہی شہکار بن جائے
Tere yaaron ke bare mein karun main shaayari aisi
Qalam jo sher bhi likhe wohi shahkaar ban jaye
مرے گھر کے ہر اک پتھر میں خوشبو ہو ترے گھر کی
یہ معمولی سا گھر بھی مرکزِ انوار بن جائے
Mere ghar ke har ek pathar mein khushboo ho tere ghar ki
Yeh maamooli sa ghar bhi markaz-e-anwaar ban jaye
تری جو خاکِ پا چھو لے تری جو خاکِ پا چُومے
وہ سارے قافلوں کا قافلہ سالار بن جائے
Teri jo khaak-e-pa chhu le teri jo khaak-e-pa choome
Woh saare qaflon ka qafila salaar ban jaye
ہزاروں کا تو ساقی ہے ہزاروں تیرے دیوانے
مزہ جب ہے کہ انجؔم بھی ترا مے خوار بن جائے
Hazaron ka tu saaqi hai hazaron tere deewane
Mazaa jab hai ke Anjam bhi tera mai khwaar ban jaye
Share This Naat
Share with friends and family
تجھے مَیں اس قدر چاہوں کہ دل گلزار بن جائے
انجم نیازی