فراق و ہجر کے لمحات سب گزار چلے
مدینے سر کو جھکائے گناہگار چلے
Firaq o hijr ke lamhaat sab guzaar chale
Madine sar ko jhukae gunahgar chale
ہمارے بخت پہ حیراں ہے کس لئے زاہد
کرم نے ان کے پکارا گناہ گار چلے
Hamare bakht pe hairan hai kis liye zaahid
Karam ne unke pukara gunahgar chale
تمام عمر گزاروں طوافِ طیبہ میں
قسم خدا کی اگر میرا اختیار چلے
Tamaam umr guzaarun tawaaf-e-taiba mein
Qasam Khuda ki agar mera ikhtiyar chale
ہو جس میں اذنِ حضوری کی جاوداں خوشبو
نسیمِ صبح کا جھونکا وہ بار بار چلے
Ho jis mein izn-e-huzoori ki jaawidan khushboo
Naseem-e-subh ka jhonka wo baar baar chale
ہیں سب طوافِ زیارت کے بعد آسودہ
خزانے لوٹ کے رحمت کے بیشمار چلے
Hain sab tawaaf-e-ziyarat ke baad aasooda
Khazaane loot ke rehmat ke beshumar chale
کریم و خواجہ ِ بندہ نواز کے در سے
گدائے خاک نشیں بن کے تاجدار چلے
Kareem o Khwaja-e-banda nawaz ke dar se
Gadaaye khaak nasheen ban ke tajdar chale
ہمارے واسطے معراج ِ بندگی ٹھہریں
وہ ساعتیں تری چوکھٹ پہ جو گزار چلے
Hamare waaste miraaj-e-bandagi thahrein
Wo saaten teri chaukhat pe jo guzaar chale
نہیں تھی کوئی بھی شے اور نذر کے قابل
ہمارے پاس بس آنسو تھے تم پہ وار چلے
Nahi thi koi bhi shay aur nazar ke qaabil
Hamare paas bas aansu the tum pe waar chale
درِ حضورؐ پہ سر رکھ کے پالیا سب کچھ
زہے نصیب کہ ہم عاقبت سنوار چلے
Dar-e-Huzoorؐ pe sar rakh ke pa liya sab kuch
Zahe naseeb ke ham aaqibat sanwaar chale
مدینے آئے تو ساتھ آیا غم جدائی کا
ہم اشکبار ہی پہنچے تھے اشکبار چلے
Madine aaye to saath aaya gham judaai ka
Hum ashkbaar hi puhnche the ashkbaar chale
سند ملے کی شفاعت کی مصطفؐےٰ سے انہیں
جو دل میں لے کے شفاعت کا اعتبار چلے
Sanad milegi shafaat ki Mustafaؐ se unhein
Jo dil mein le ke shafaat ka aitbaar chale
ہماے دیں کی یہی ہے اساس اے خالدؔ
دلوں پہ سکہِ آقا ئے ؐ نامدار چلے
Hamare deen ki yehi hai asaas ae Khalidؔ
Dilon pe sikka-e-Aaqa ؐ naaamdaar chale
Share This Naat
Share with friends and family
فراق و ہجر کے لمحات سب گزار چلے
خالد محمود خالد