ایک سیلِ آرزو ہے اور میں
قبلہء دل قبلہ رو ہے اور میں
Ek sail-e-aarzoo hai aur main
Qibla-e-dil qibla roo hai aur main
رات دِن ہونٹوں پہ جاری ہے درود
سبز گنبد چار سُو ہے اور میں
Raat din honton pe jaari hai darood
Sabz gunbad chaar soo hai aur main
سر جھکا جاتا ہے بہرِ احترام
مشعلِ لاترفعو ہے اور میں
Sar jhuka jaata hai beher-e-ehteraam
Mashal-e-la tarfa'u hai aur main
دِل کے اندر بھی ہے اِک غارِ حرا
جسم سارا باوضو ہے اور میں
Dil ke andar bhi hai ik ghaar-e-hira
Jism saara ba-wazoo hai aur main
دل کھچا جاتا ہے بطحیٰ کی طرف
با ادب ہر ایک مُو ہے اور میں
Dil khicha jaata hai bathha ki taraf
Ba adab har aik moo hai aur main
نعت کے ہیں لفظ یا انجمؔ گلاب
ایک خوشبو چارسُو ہے اور میں
Naat ke hain lafz ya Anjum gulaab
Ek khushboo chaar soo hai aur main
Share This Naat
Share with friends and family
ایک سیلِ آرزو ہے اور میں
انجم نیازی