اُس نگری نوں کوہ طُور آکھو جہدے وچ سجناں دا پھیرا اے
اوہ دل بھی عرشِ معلّٰی اے جیہڑے دل وچ یار دا ڈیرا اے
Us nagri nu koh-e-toor aakho jehde vich sajnan da phera ae
Oh dil vi arsh-e-moalla ae jehde dil vich yaar da dera ae
تُساں سانوں مکھ وکھلاوناں نہیں اساں دید بِناں ایتھوں جاوناں نہیں
اساں نِت نِت جگ تے آونا نہیں ساڈا جوگیاں والا پھیرا اے
Tusan sanu mukh vakhlaona nahi assan deed bina aithon jaana nahi
Assan nit nit jag te aona nahi saada jogian wala phera ae
جیہڑے عشق ترے نے چُور کیتے ترے نیناں نے مخمُور کِیتے
اونھاں دل دنیا توں دُور کیتے اونھاں بھُل گیا میرا تیرا اے
Jehde ishq tere ne choor kite tere naina ne makhmoor kite
Onhan dil duniya ton door kite onhan bhul gaya mera tera ae
نہ علماں وچ پھسا سانوں کوئی یار دی گل سُنا سانوں
اوتھے علم دا سِکّہ نہیں چل دا جِتھے عشق ہُراں دا ڈیرا اے
Na almaan vich phasa sanu koi yaar di gal suna sanu
Othe ilm da sikka nahi chal da jithe ishq huran da dera ae
میری آس اُمیددی دُنیا وچ تیری یاد دا دیوا بلدا اے
اے محبُوباں دیا محبُوبا ایہہ سارا ای چانن تیرا اے
Meri aas umeed di duniya vich teri yaad da deeva balda ae
Ae mahbooban dia mahbooba eh saara ae chanan tera ae
چل اعظؔم اوتھے چل وسیّے جتّھے یار دا اونا جانا اے
اُس بستی دے وچ رہنا کیہہ جتّھے سجناں باہجھ ہنیرا اے
Chal Azam othe chal wasiaye jithe yaar da ona jana ae
Us basti de vich rehna kehh jithe sajnan baajh hanera ae
Share This Naat
Share with friends and family
اُس نگری نوں کوہ طُور آکھو
محمد اعظم چشتی