میں کراں ربّا ثنا سرکارؐ دی
اک جھلک مینوں وکھا سرکارؐ دی
Main karaa Raba sana Sarkarؐ di
Ik jhalak mainu wakha Sarkarؐ di
مولا میری عاجزی دا مان رکھ
جھوک دل اندر وسا سرکارؐ دی
Mola meri aajzi da maan rakh
Jhook dil andar wasa Sarkarؐ di
اوس در تے ہو کرے آون والیا
دس کویں ہوئی عطا سرکارؐ دی
Os dar te ho kare aavan waliya
Das kowe hoi ata Sarkarؐ di
توں کویں سر دل تے ملیاں اکھیاں
کیویں چمی خاک پا سرکارؐ دی
Tuun kowe sir dil te maliyan akhiyaan
Kiwen chumi khaak pa Sarkarؐ di
پیش کیتا کیویں آقاؐ نوں سلام
توں کویں منگی رضا سرکارؐ دی
Pesh kita kiwen Aqaؐ nu salaam
Tuun kowe mange raza Sarkarؐ di
کیویں گنبد پاک تے پائی نظر
توں کویں ویکھی ضیا سرکارؐ دی
Kiwen gunbad paak te pai nazar
Tuun kowe wekhi ziya Sarkarؐ di
چین پاوے میری مکدی جان وی
بات کوئی تے سنا سرکارؐ دی
Chain pawe meri makdi jaan wi
Baat koi te sana Sarkarؐ di
ہن رکن تے کس طرح اتھرو رکن
گل اے میرے دردیا سرکارؐ دی
Hun rukan te kis tarah athru rakan
Gal ae mere dariya Sarkarؐ di
اوہناں سارے دل دے مقصد پا لیے
جنہاں پالی آگیا سرکارؐ دی
Ohnan saare dil de maqsad paa liye
Jinnan paali aagya Sarkarؐ di
مینوں سر صدقہ نبیؐ دا مالکا
دان کر رجویں ولا سرکارؐ دی
Mainu sir sadqa Nabiؐ da Maalka
Daan kar rjuwen wala Sarkarؐ di
ونڈ دی تھکاں نہ میں اس خیرات نوں
حُبّ دے سِک اینی ودھا سرکارؐ دی
Wand di thakaa na main is khairat nu
Hubb de sik eini wadha Sarkarؐ di
جو نہ مکھ موڑے کدی وی حکم توں
مینوں اوہ باندی بنا سرکارؐ دی
Jo na makh more kadi wi hukam tu
Mainu oh bandi bana Sarkarؐ di
اوہناں دے ناں نال اے ساڈی آبرو
جس نہ کیوں گائیے سدا سرکارؐ دی
Ohnan de naan nal ae saadi aabru
Jis na kyo gaiye sada Sarkarؐ di
Share This Naat
Share with friends and family
میں کراں ربّا ثنا سرکارؐ دی
حفیظ تائب