اے بِیابانِ عَرب تیری بہاروں کو سلام
تیرے پھولوں کو تِرے پاکیزہ خاروں کو سلام
Ae biyaban-e-Arab teri baharon ko salaam
Tere phoolon ko tere pakeeza kharon ko salaam
جَبَلِ نور و جَبَلِ ثَور اور ان کے غاروں کو سلام
نور برساتے پہاڑوں کی قِطاروں کو سلام
Jabal-e-Noor o Jabal-e-Saur aur un ke ghaaroon ko salaam
Noor barsate paharon ki qataron ko salaam
جھومتے ہیں مسکراتے ہیں مُغیلانِ عَرَب
خوب صورت وادِیوں کو ریگزاروں کو سلام
Jhoomte hain muskurate hain mugheelaan-e-Arab
Khoobsurat waadiyon ko regzaaron ko salaam
رات دن رحمت برستی ہے جہاں پر جھوم کر
ان طوافِ کعبہ کے رنگیں نظاروں کو سلام
Raat din rehmat barasti hai jahan par jhoom kar
Un tawaaf-e-Kaaba ke rangeen nazaron ko salaam
عشق میں دیوارِ کعبہ سے جو لپٹے ہیں وہاں
ان سبھی دیوانوں سارے بے قراروں کو سلام
Ishq mein deewar-e-Kaaba se jo lipte hain wahan
Un sabhi deewanon saare beqaararon ko salaam
حجرِ اَسود، باب و میزاب و مقام و مُلتَزم
اور غلافِ کعبہ کے رنگیں نظاروں کو سلام
Hajr-e-Aswad, baab o mizaab o maqaam o multazim
Aur ghilaaf-e-Kaaba ke rangeen nazaron ko salaam
مُستجار و مُستجاب و بیرِ زم زم اور مَطاف
اور حَطیمِ پاک کے دونوں کَناروں کو سلام
Mustajaar o mustajaab o beir-e-Zam Zam aur mataaf
Aur Hateem-e-paak ke donon kanaron ko salaam
رکنِ شامی و عراقی و یمانی کو بھی اور
جگمگاتے نور برساتے مَناروں کو سلام
Rukn-e-Shaami o Iraqi o Yemani ko bhi aur
Jagmagaate noor barsaate manaaron ko salaam
جو مسلماں خانۂ کعبہ کا کرتے ہیں طواف
ان کو بھی اور سارے ہی سَجدہ گزاروں کو سلام
Jo musalmaan khana-e-Kaaba ka karte hain tawaaf
Un ko bhi aur saare hi sajda guzaaron ko salaam
خوب چُومے ہیں قدم ثَور و حِرا نے شاہ کے
مہکے مہکے پیارے پیارے دونوں غاروں کو سلام
Khoob choome hain qadam Saur o Hira ne Shah ke
Mehke mehke pyaare pyaare donon ghaaron ko salaam
مَدنی مُنّوں کا بھی حملہ خوب تھا بوجَہل پر
بدر کے ان دونوں ننھے جاں نثاروں کو سلام
Madni munnon ka bhi hamla khoob tha bojahl par
Badr ke un donon nanhe jaan nisaroon ko salaam
جگمگاتے گنبدِ خضرا پہ ہو رحمت مُدام
مسجدِ نبوی کے نورانی مَناروں کو سلام
Jagmagaate gunbad-e-Khazra pe ho rehmat mudaam
Masjid-e-Nabwi ke noorani manaaron ko salaam
منبر و محرابِ جاناں اور سُنہری جالیاں
سبز گنبد کے مکیں کو دونوں پیاروں کو سلام
Minbar o mehrab-e-jaan aur sunehri jaaliyan
Sabz gunbad ke makeen ko donon pyaaron ko salaam
سیِّدی حمزہ کو، اور جُملہ شہیدانِ اُحُد
کو بھی اور سب غازیوں کو شہسُواروں کو سلام
Syedi Hamza ko, aur jumla shaheedan-e-Uhud
Ko bhi aur sab ghaaziyon ko shahsawaaron ko salaam
جس قدر جنّ وبشر میں تھے صحابہ شاہ کے
سب کو بھی بیشک خصوصاً چار یاروں کو سلام
Jis qadar jinn o bashar mein the sahaaba Shah ke
Sab ko bhi beshak khusoosan chaar yaaron ko salaam
جس جگہ پر آکے سوئے ہیں صَحابہ دس ہزار
اُس بقیعِ پاک کے سارے مَزاروں کو سلام
Jis jagah par aake soye hain sahaaba das hazaar
Us Baqi-e-paak ke saare mazaaron ko salaam
شوقِ دیدارِ مدینہ میں تڑپتے ہیں جو، اُن
بے قراروں، دل فِگاروں، اشکباروں کو سلام
Shoq-e-deedaar-e-Madina mein tadapte hain jo, un
Beqaararon, dil figaron, ashkbaron ko salaam
غسلِ کعبہ کا بھی منظر کس قَدَر پُر کیف ہے
جھوم کر کہتا ہے عطارؔؔ ان نظاروں کو سلام
Ghusl-e-Kaaba ka bhi manzar kis qadar pur kaif hai
Jhoom kar kehta hai Attar in nazaron ko salaam
Share This Naat
Share with friends and family
اے بِیابانِ عَرب تیری بہاروں کو سلام
الیاس عطار قادری