حمدِ خدا پسند ہے نعتِ نبی پسند
شعر و سخن میں اب ہے یہی اک مِری پسند
Hamd-e Khuda pasand hai naat-e Nabi pasand
She'r o sukhan mein ab hai yahi ek meri pasand
کل تھا پسند شہرِ نبی آج بھی پسند
پہلی پسند بھی ہے یہی آخری پسند
Kal tha pasand shehr-e Nabi aaj bhi pasand
Pehli pasand bhi hai yahi akhri pasand
رونق پہ جس کی مصر کا بازار بھی فدا
مجھ کو نبی کے شہر کی ہے وہ گلی پسند
Ronak pa jis ki Misar ka baazar bhi fida
Mujh ko Nabi ke shehr ki hai wo gali pasand
اہلِ دول کی مجھ سے بھی ممکن نہیں ثنا
مثلِ رضا مجھے بھی ہے نعتِ نبی پسند
Ahl-e daulat ki mujh se bhi mumkin nahi sana
Misl-e Raza mujhe bhi hai naat-e Nabi pasand
جس میں رسولِ پاک کا آتا نہیں خیال
ایسی نماز مجھ کو نہیں ہے کبھی پسند
Jis mein Rasool-e Pak ka aata nahi khayal
Aisi namaz mujh ko nahi hai kabhi pasand
بے مائیگی پھٹکتی نہیں میرے آس پاس
جب سے مجھے ہے دولتِ عشقِ نبی پسند
Be maiegi phatkti nahi mere aas paas
Jab se mujhe hai dolat-e ishq-e Nabi pasand
سر پہ تنی ہوئی ہے ردائے کرم شفیقؔ
جب سے نبی کی نعت ہماری بنی پسند
Sar pe tani hui hai rada-e karam Shafeeq
Jab se Nabi ki naat hamari bani pasand
Share This Naat
Share with friends and family
حمدِ خدا پسند ہے نعتِ نبی پسند
شفیق ؔ رائے پوری