ہوتے نہ جلوہ گر جو شہِؐ مُرسَلیں کبھی
ہوتا نہ دین، خاتَمِ دل کا نگیں کبھی
Hote na jalwa gar jo Sheh-e-Mursaleen ﷺ kabhi
Hota na deen, khatam-e-dil ka nageen kabhi
گزرے تھے ہنس کے خواب میں وہ بالیقیں کبھی
چمکی تھی برقِ ناز ہمارے قریں کبھی
Guzre the hans ke khwab mein woh balyaqeen kabhi
Chamki thi barq-e-naaz humare qareen kabhi
جو رحمتِ تمام کو اپنا بنا گئے
اُن آنسوؤں سے بھیگ گئی آستیں کبھی
Jo rehmat-e-tamam ko apna bana gaye
Un aansuon se bheeg gayi aasteen kabhi
جو جُھک گئی خدا کے درِ حق مآب پر
باطل کے سامنے نہ جھُکی وہ جبیں کبھی
Jo jhuk gayi Khuda ke dar-e-Haq ma'ab par
Batil ke samne na jhuki woh jabeen kabhi
وہ تو گناہ گاروں پہ ہیں مائلِ کرم
اُن کو پکارتے نہیں دل سے ہمِیں کبھی
Woh to gunahgaaron pe hain ma'il-e-karam
Un ko pukarte nahin dil se hamein kabhi
اُس آستاں کی عظمت و رفعت کو چھُو سکے
اِتنا بُلند ہو تو مذاقِ جبیں کبھی
Us aastan ki azmat o rafat ko choo sake
Itna buland ho to mazaq-e-jabeen kabhi
دیکھا نہ آپؐ نے جو عنایت کی راہ سے
مسرور ہوسکے گا نہ قلبِ حزیں کبھی
Dekha na Aap ﷺ ne jo inayat ki rah se
Masroor ho sake ga na qalb-e-hazeen kabhi
ممکن نہیں کہ جلوہ نہ اُن کا جِلو میں ہو
دل میں جَلا کے دیکھ چراغِ یقیں کبھی
Mumkin nahin ke jalwa na un ka jalo mein ho
Dil mein jala ke dekh charagh-e-yaqeen kabhi
چھینٹا پڑا نہ جس پہ کوئی اُن کے لُطف کا
پھُولی پھَلی نصیرؔ نہ ایسی زمیں کبھی
Cheenta pada na jis pe koi un ke lutf ka
Phooli phali Naseer na aisi zameen kabhi
Share This Naat
Share with friends and family
ہوتے نہ جلوہ گر جو شہِؐ مُرسَلیں کبھی
سید نصیرالدیں نصیر