مِل جاون یار دیاں گلیاں اساں ساری خدائی کیہہ کرنی
محشر وِچ ساڈی بن جاوے دنیا دی بنائی کیہہ کرنی
Mil jawan yaar diyaan galiyaan asaan saari khudai kehh karni
Mahshar wich saadi ban jaave duniya di banaii kehh karni
اسیں چپ چپ دکھڑے سہنے آں دنیا نوں کجھ نئیں کہنے آں
ناں یار دا لیندے رہنے آں اساں حال دہائی کیہہ کرنی
Asin chup chup dukhde sehnay aan duniya noon kujh nahi kehne aan
Naan yaar da leende rehne aan asaan haal dahaii kehh karni
جس دن دیاں اکھیاں لا بیٹھے اکھیاں دا چین گوا بیٹھے
دلدار دے در تے آ بیٹھے اساں ہور کمائی کیہہ کرنی
Jis din diyaan akhiyaan laa baithe akhiyaan da chain gawa baithe
Dildar de dar te aa baithe asaan hor kamaaii kehh karni
جہڑا عشق دے وچہ برباد ہووے دراصل اوہو آباد ہووے
جد چل وچہ یار دی یاد ہووے اوہنے پریت پرائی کیہہ کرنی
Jera ishq de vich barbaad howe darasl oho aabaad howe
Jad chal vich yaar di yaad howe ohne preet paraaii kehh karni
نیت نے پار لنگھانا ایں عملاں نے ساتھ نبھانا ایں
جے اندروں میل نہ جانا ایں باہر دی صفائی کیہہ کرنی
Niyat ne paar langhaana ain amlaan ne saath nibhana ain
Je andaroon mail na jaana ain baahar di safaii kehh karni
لج پال دے تاں نیوں لائیے ہر دکھ تے مصیبت گل پائیے
اک در دے ظہوریؔ ہوجائیے در در دی گدائی کیہہ کرنی
Lajpal de taan niyoon laayiye har dukh te museebat gal paayiye
Ik dar de Zahoori ho jaaiye dar dar di gadaaii kehh karni
Share This Naat
Share with friends and family
مِل جاون یار دیاں گلیاں اساں ساری خدائی کیہہ کرنی
محمد علی ظہوری