لکھ خمیدہ ابروانِ مہربانِ خلق کو
قوس ، محرابِ حرم ، شمشیر ، قدرت کی کماں
Likh khamida abruwan-e-mehrban-e-khalq ko
Qous, mehrab-e-haram, shamsheer, qudrat ki kaman
کا کُلِ مشکیں ، خطا پوشی کا عنواں بے نظیر
لیلیٰ ٔ شب ، جامعۂ کعبہ ، پناہِ عاصیاں
Ka kul-e-mushkeen, khata poshi ka unwan be nazir
Laila-e-shab, jame'a-e-ka'ba, panah-e-asiyaan
جنبشِ لب ، گفتگو ، طرزِ سخن ، حُسنِ کلام
دل بَری ، دل برونی ، دل بستگئ عاصیاں
Junbish-e-lab, guftagu, tarz-e-sukhan, husn-e-kalaam
Dil bari, dil baruni, dil bastagi-e-asiyan
نورِ دندانِ مبارک کی چمک سے ماند ہیں
برق ، ناسفتہ گُہر ، کرنیں ، ستارے ، کہکشاں
Noor-e-dandan-e-mubarak ki chamak se mand hain
Barq, nasfta guhar, kirnen, sitare, kahkashan
بوئے زُلفِ احمدِ مختار ، تجھ کو کیا لکھوں
عود و عنبر ، مشک و کیسر ، یا نسیمِ گلستاں
Boo-e-zulf-e-ahmad-e-mukhtar, tuj ko kya likhun
Oud o anbar, mushk o kaisar, ya naseem-e-gulistan
دیکھنا نقشِ کفِ پا کا ذرا حُسن و جمال
روشنی در روشنی اور کہکشاں در کہکشاں
Dekhna naqsh-e-kaf-e-pa ka zara husn o jamal
Roshni dar roshni aur kahkashan dar kahkashan
گوشۂ دامانِ رحمت میں شہِ ذیشان کے
بحر و بر ، ارض و سماء ، لوح و قلم ، کون مکاں
Gosha-e-daman-e-rahmat mein shah-e-zeshan ke
Behr o barr, arz o sama, loh o qalam, kon makan
رتبۂ اسمِ محمد ، حمد پہ طرّہ ہے مِیم
اِک وسیلہ ، ایک پردہ ، واسطہ اِک درمیاں
Rutba-e-ism-e-Muhammad, hamd pe torra hai meem
Ik waseela, aik parda, wastah ik darmiyan
اُن کے اندازِ کرم کے کیا کہوں کتنے ہیں نام
موجِ دریا ، ابرِ باراں اور بحرِ بیکراں
Un ke andaaz-e-karam ke kya kahun kitne hain naam
Mauj-e-darya, abr-e-baraan aur behr-e-bekaran
دوستوں جب بھی دُعا مانگو تو یہ مانگو ضرور
اُن کی نسبت ، اُن کا غم ، اُن کی رضا ، اُن کی اماں
Doston jab bhi dua mango to yeh mango zarur
Un ki nisbat, un ka gham, un ki raza, un ki amaan
اُن کے در سے کیا نہ پا یا تجھ سے عاصی نے ادیبؔ
عشق و آنسو ، غم ادب ، احساس ، اندازِ بیاں
Un ke dar se kya na paya tujh se aasi ne Adeeb
Ishq o aansu, gham adab, ehsas, andaaz-e-bayan
Share This Naat
Share with friends and family
لکھ خمیدہ ابروانِ مہربانِ خلق کو
حضرت ادیب رائے پوری