naat
قرآنِ مقدس نے کہا کچھ بھی نہیں ہے
قرآنِ مقدس نے کہا کچھ بھی نہیں ہے
جو ان کا نہیں ہے بخدا کچھ بھی نہیں ہے
Qur'an-e-Muqaddas ne kaha kuch bhi nahi hai
Jo in ka nahi hai bukhuda kuch bhi nahi hai
تم پوچھتے پھرتے ہو کہ مرشد نے دِیا کیا
کیا عشقِ محمدﷺ کی غذا کچھ بھی نہیں ہے؟
Tum poochhte phirrte ho ke murshid ne diya kya
Kya ishq-e-Muhammad ﷺ ki ghaza kuch bhi nahi hai?
وہ خواب میں کیا آئے کہ میرے لئے گویا
بیدار نگاہی میں رہا کچھ بھی نہیں ہے
Wo khwab mein kya aaye ke mere liye goya
Bedar nigahi mein raha kuch bhi nahi hai
جس دن سے بنا زینتِ دل نامِ محمدﷺ
لگتا ہے مِرے دل سے بڑا کچھ بھی نہیں ہے
Jis din se bana zeenat-e-dil naam-e-Muhammad ﷺ
Lagta hai mere dil se bara kuch bhi nahi hai
دنیا کی محبت میں وفا ہارنے والے!
سن! عاشقِ طیبہ کا گیا کچھ بھی نہیں ہے
Duniya ki mohabbat mein wafa haarnay wale!
Sun! aashiq-e-Taiba ka gaya kuch bhi nahi hai
دنیا کی تباہی سے حفاظت کی وجہ پوچھ
اِک شہرِ مدینہ کے سوا کچھ بھی نہیں ہے
Duniya ki tabahi se hifazat ki wajah pooch
Ik Shehr-e-Madinah ke siwa kuch bhi nahi hai
جس شخص نے جِھیلا ہو غمِ ہجرِ مدینہ
اُس کیلئے پُر درد قضا کچھ بھی نہیں ہے
Jis shakhs ne jheela ho gham-e-hijr-e-Madina
Us ke liye pur dard qaza kuch bhi nahi hai
اب دیکھ لیا ہے انہیں، اے لذّتِ دنیا
تیرے لئے اب دل میں بچا کچھ بھی نہیں ہے
Ab dekh liya hai unhein, aye lazzat-e-duniya
Tere liye ab dil mein bacha kuch bhi nahi hai
دوزخ تِرے عاشق کو بھلا کیسے جَلا دے
سورج کے مقابل میں دِیا کچھ بھی نہیں ہے
Dozakh tere aashiq ko bhala kaise jala de
Sooraj ke muqabil mein diya kuch bhi nahi hai
لجپال تِرے دستِ عطا صفت کے آگے
سہمے ہوئے منگتوں کی صدا کچھ بھی نہیں ہے
Lajpal tere dast-e-ata sifat ke aage
Sehme hue mangton ki sada kuch bhi nahi hai
بس جی نہیں لگتا مِرا بے شہرِ مدینہ
کہنے کو مجھے اور ہُوا کچھ بھی نہیں ہے
Bas ji nahi lagta mera be Shehr-e-Madina
Kehne ko mujhe aur hua kuch bhi nahi hai
چشمان و دل و جان و تخیّل کی اڑانیں
سب کچھ ہے دیا تیرا، مِرا کچھ بھی نہیں ہے
Chashman o dil o jaan o takhayyul ki uranen
Sab kuch hai diya tera, mera kuch bhi nahi hai
آیا تھا ملاقات کو اِک زائرِ طیبہ
اب قلبِ تبسم کا پتہ کچھ بھی نہیں ہے
Aaya tha mulaqat ko ik zair-e-Taiba
Ab qalb-e-tabasum ka pata kuch bhi nahi hai
Share This Naat
Share with friends and family
قرآنِ مقدس نے کہا کچھ بھی نہیں ہے
حافظ محمد ابوبکر تبسمؔ