ضیا فروز ہے دل میں حُضورؐ کی نسبت
نظر کا نُور بنی اُن کے نُور کی نسبت
Zia faroz hai dil mein Huzoorؐ ki nisbat
Nazar ka noor bani un ke noor ki nisbat
بساؤ قلب میں زلفِ رسولؐ کی خُوشبو
تمہیں جو چاہیے کیف و سُرور کی نسبت
Basaao dil mein zulf-e-Rasoolؐ ki khushbu
Tumhe jo chahiye kaif o suroor ki nisbat
بلالؓ و بُوذرؓ و سلماںؓ کی ذات شاہد ہے
مقامِ عجز ہے اُنچا، غُرور کی نسبت
Bilalؓ o Buzarؓ o Salmanؓ ki zaat shaahid hai
Maqaam-e-ajz hai uncha, ghuroor ki nisbat
صفات کُھل کے بیاں کر، دبی زباں سے نہ کہہ
سُطور خوب ہیں، بینُ السُّطور کی نسبت
Sifaat khul ke bayaan kar, dabi zabaan se na keh
Sutoor khoob hain, bain-ul-sutoor ki nisbat
رسولؐ کو وہ بَھلا کیا سمجھ سکیں کہ جنہیں
نہ قُربتوں سے تعلّق ، نہ دُور کی نسبت
Rasoolؐ ko woh bhala kya samajh sakain ke jinhein
Na qurbeton se ta'luq, na door ki nisbat
وہاں کلیمؑ کی باتیں، یہاں مقامِ نبیؐ
مدینہ ارفع و اعلیٰ ہے، طُور کی نسبت
Wahan Kaleemؑ ki baaten, yahan maqam-e-Nabiؐ
Madina arfa o aala hai, Toor ki nisbat
ہمارے شوق کی دنیا، رسولؐ کا جلوہ
ہمارا ذوقِ طلب، آنحضورؐ کی نسبت
Hamaare shauq ki duniya, Rasoolؐ ka jalwa
Hamaara zooq-e-talab, aanhazoorؐ ki nisbat
مجھے ہے میکدۂ عشقِ مصطفیٰؐ کا سُرور
نصیب ہے مجھے جامِ طَہور کی نسبت
Mujhe hai maikada-e-ishq-e-Mustafaؐ ka suroor
Naseeb hai mujhe jaam-e-tahoar ki nisbat
کہاں وہ چہرۂ اقدس، کہاں یہ ماہِ تمام
اِسے ہوئی، نہ کبھی ہوگی، دُور کی نسبت
Kahan woh chehra-e-aqdas, kahan ye maah-e-tamam
Isay hui, na kabhi hogi, door ki nisbat
متاعِ عظمتِ کون و مکاں مِلی اُس کو
نصیرؔ!مِل گئی جس کو حُضورؐ کی نسبت
Mata-e-azmat-e-kon o makaan mili us ko
Naseer! Mil gayi jis ko Huzoorؐ ki nisbat
مِلی ہے شافعِ یَومِ نُشُور کی نسبت
زہے نصیب، کہ پائی حُضورؐ کی نسبت
Mili hai shaafi-e-yaum-e-nushoor ki nisbat
Zah-e-naseeb, ke payi Huzoorؐ ki nisbat
قُصور وار جو مَیں ہُوں تو وہ کرم گُستَر
کرم ہے اُن کا فراواں، قُصور کی نسبت
Qasoor waar jo main hoon to woh karam gustar
Karam hai un ka farawan, qasoor ki nisbat
کوئی بھی چیز نہ خِلقت کا بن سکی باعث
سبب بنی تو بس اُن کے ظُہور کی نسبت
Koi bhi cheez na khilqat ka ban saki baais
Sabab bani to bus un ke zuhoor ki nisbat
جمالِ مصطفویؐ سے کھُلے گُلوں کے نصیب
چمن کے ہاتھ لگی رنگ و نُور کی نسبت
Jamal-e-Mustafaؐ se khule gulon ke naseeb
Chaman ke haath lagi rang o noor ki nisbat
دَرِ حبیبِ ؐ خدا کا غلام ہُوں مَیں بھی
قریب تر ہے، بظاہر یہ دُور کی نسبت
Dar-e-Habibؐ Khuda ka ghulaam hoon main bhi
Qareeb tar hai, bazahir ye door ki nisbat
ضرور آتشِ دوزخ مآل ہے اُن کا
جنہیں ہوئی نہ مُیّسر حُضؐور کی نسبت
Zaroor aatish-e-dozakh ma'al hai un ka
Jinhein hui na muyassar Huzoorؐ ki nisbat
نبیؐ کے عشق کی دُھومیں سُنی میں بچپن سے
مِرے شُعور میں ہے، لاشُعور کی نسبت
Nabiؐ ke ishq ki dumain suni mein bachpan se
Mire shaoor mein hai, laa shaoor ki nisbat
تہی ہیں اشکِ غمِ مصطفیٰ ؐ سے جو آنکھیں
کہیں زیادہ ہیں ویراں، قُبور کی نسبت
Tahi hain ashq-e-gham-e-Mustafaؐ se jo aankhein
Kahin zyada hain weeraan, quboor ki nisbat
نصیرؔ! صدق و صفائے رسولؐ کے آگے
فروغ پا نہ سکی مکر و زُور کی نسبت
Naseer! Sidq o safaa-e-Rasoolؐ ke aage
Farogh paa na saki makar o zoor ki nisbat
Share This Naat
Share with friends and family
ضیا فروز ہے دل میں حُضورؐ کی نسبت
سید نصیرالدیں نصیر