اجاڑ کب سے پڑا ہے اداس غرفۂ دل
حضور ! آئیے بس جائے میرا حجرۂ دل
Ujaar kab se para hai udas ghurfah-e-dil
Huzoor ! aaiye bas jaye mera hujrah-e-dil
سنبھال لیں گے ہم آنکھوں میں خاکِ پا ان کی
اجالنا ہے بصیرت سے اپنا دیدۂ دل
Sambhal leinge hum aankhon mein khaak-e-pa un ki
Ujalna hai basirat se apna deeda-e-dil
بنے گا رشکِ چمن وہ انہی کی برکت سے
گھرا ہوا ہے جو وحشت میں میرا بیشۂ دل
Bane ga rashk-e-chaman wo inhi ki barkat se
Ghera hua hai jo wahshat mein mera besha-e-dil
بہے ہیں اشکِ ندامت جو ان کی الفت میں
چمک ہی جائے گا ان کی نظر سے شیشۂ دل
Bahe hain ashk-e-nadamat jo un ki ulfat mein
Chamak hi jaye ga un ki nazar se sheesha-e-dil
جسے وہ چاہیں بلا لیں دیار میں اپنے
جسے وہ چاہیں تو دے دیں یہیں مدینۂ دل
Jise wo chahein bula lein dayar mein apne
Jise wo chahein to de dein yahin madina-e-dil
حقیر ادنیٰ گدا ہوں میں کج عمل آقا
غمِ حسین سے پُر ہے مگر خزینۂ دل
Haqeer adna gada hoon mein kaj amal aaqa
Gham-e-Hussain se pur hai magar khazina-e-dil
تمہاری دید کے طالب تو بھیک لے بھی گئے
بس اک فقیر ہے، بیٹھا ہے لے کے کاسۂ دل
Tumhari deed ke taalib to bheek le bhi gaye
Bas ek faqeer hai, baitha hai le ke kasa-e-dil
نزولِ نعت ہے جاری جو قلبِ نوری پر
فروغِ نعت کا باعث بنے صحیفۂ دل
Nuzool-e-naat hai jari jo qalb-e-Noori par
Faroogh-e-naat ka ba’ais bane sahifa-e-dil
Share This Naat
Share with friends and family
اجاڑ کب سے پڑا ہے اداس غرفۂ دل
محمد ظفراقبال نوری