ترے زہد و تقویٰ فضول ہیں ترے صوم و سجدہ گری فریب
نہیں دل میں حُبِ رسولؐ گر تو عبادتیں ہیں تری فریب
Tere zehd o taqwa fazool hain tere soum o sajda gari fareb
Nahi dil mein hub-e-Rasoolﷺ gar to ibadaten hain teri fareb
جو نبیؐ کا شیدا ہو قول سے رکھے دل میں بغض و حسد مگر
اسے لے کے جائے گا نار میں سرِ حشر اس کا یہی فریب
Jo Nabiﷺ ka sheda ho qoul se rakhe dil mein bughz o hasad magar
Use le ke jaye ga naar mein sar-e-hashr us ka yahi fareb
تو عمل سے جو ہے خلافِ دیں ہے غلامِ شہ تو نہیں نہیں
تری نیکیاں ہیں عبث سبھی ترے کارِ خیر سبھی فریب
To amal se jo hai khilaf-e-deen hai ghulam-e-sheh to nahi nahi
Teri naikiyaan hain abas sabhi tere car-e-khair sabhi fareb
جو سراپا حسنِ عمل بنے رہِ مصطفیٰؐ پہ ہیں گامزن
نہیں ان کے طرزِ حیات میں کوئی عیبِ فتنہ گری فریب
Jo sarapa husn-e-amal bane reh-e-Mustafaﷺ pe hain gamzan
Nahi un ke tarz-e-hayat mein koi aib-e-fitna gari fareb
ہے ریا سے پُر جو اے بے عمل تری عید آمدِ مصطفیٰؐ
یہ علامتی یہ نمائشی تری عید کی ہے خوشی فریب
Hai riya se pur jo aye be amal teri Eid amad-e-Mustafaﷺ
Ye alamti ye numaishi teri Eid ki hai khushi fareb
شہِ دیں کے اسوۂ پاک میں جو سراپا واقعی ڈھل گیا
کوئی کھوٹ اس کے نہ دل میں ہے نہ زباں پہ بازی گری فریب
Sheh-e-deen ke aswah-e-paak mein jo sarapa waqai dhal gaya
Koi khot is ke na dil mein hai na zabaan pe baazi gari fareb
جو ہے شہرتوں کے لیے فقط ہے نمود و نام کی جس میں چاہ
نہیں جس میں عشقِ نبیؐ اگر وہ ہے مدح پھر تو تری فریب
Jo hai shohraton ke liye faqat hai namood o naam ki jis mein chaah
Nahi jis mein ishq-e-Nabiﷺ agar wo hai madh phir to teri fareb
وہ ہو جس میں جھوٹ کا شائبہ نہ حقیقتوں سے ہو واسطہ
اسے نامِ مدحِ نبیؐ نہ دے ہے یہ فکرِ شعری تری فریب
Wo ho jis mein jhoot ka shaibah na haqeeqaton se ho wasta
Use naam-e-madh-e-Nabiﷺ na de hai ye fikr-e-shaeri teri fareb
شہِ بحر و بر کا غلام اگر نہیں تو جو احسؔنِ اعظمی
ترا دعویٰ عشقِ رسولؐ کا ترا قولِ حُبِ نبیؐ فریب
Sheh-e-behr o burr ka ghulam agar nahi to jo Ahsan-e-Azmi
Tera daawa ishq-e-Rasoolﷺ ka tera qoul-e-hub-e-Nabiﷺ fareb
Share This Naat
Share with friends and family
ترے زہد و تقویٰ فضول ہیں ترے صوم و سجدہ گری فریب
احسن اعظمی