بزمِ کونین سجانے کے لیے آپ آئے
شمعِ توحید جلانے کے لیے آپؐ آئے
Bazm-e-Konain sajane ke liye aap aaye
Shama-e-Tauheed jalane ke liye aap ﷺ aaye
ایک پیغام‘ جو ہر دل میں اُجالا کر دے
ساری دُنیا کو سُنانے کے لیے آپؐ آئے
Ek paighaam, jo har dil mein ujala kar de
Saari duniya ko sunane ke liye aap ﷺ aaye
ایک مدّت سے بھٹکتے ہوئے انسانوں کو
ایک مرکز پہ بلانے کے لیے آپؐ آئے
Ek muddat se bhatakty hue insano ko
Ek markaz pe bulane ke liye aap ﷺ aaye
نا خدا بن کے اُبلتے ہوئے طوفانوں میں
کشتیاں پار لگانے کے لیے آپؐ آئے
Na Khuda ban ke Ublate hue tofanon mein
Kashtiyan paar lagane ke liye aap ﷺ aaye
قافلے والے بھٹک جائیں نہ منزل سے کہیں
دُور تک راہ دکھانے کے لیے آپؐ آئے
Qaflay wale bhatak jaen na manzil se kahin
Door tak raah dikhane ke liye aap ﷺ aaye
چشمِ بیدار کو اسرارِ خدائی بخشے
سونے والوں کو جگانے کے لیے آپؐ آئے
Chashm-e-Bedar ko asrar-e-Khudai bakshe
Sone walon ko jagane ke liye aap ﷺ aaye
Share This Naat
Share with friends and family
بزمِ کونین سجانے کے لیے آپ آئے
ساغر صدیقی