درود ان پر جو میرا موضوعِ گفتگو ہیں
سلام ان پر جو حسنِ کامل ہیں خوبرو ہیں
Darood un par jo mera mauzu-e-guftugu hain
Salam un par jo husn-e-kamil hain khoobru hain
درود ان پر جو ہیں مرے فکر و فن کے محور
سلام ان پر جو بے شبہ خشک و تر کے سرور
Darood un par jo hain mere fikr o fan ke mehvar
Salam un par jo be shuba khushk o tar ke sarvar
درود ان پر جو میری دھڑکن میں بس گئے ہیں
سلام ان پر کہ جن کو نیناں ترس گئے ہیں
Darood un par jo meri dharkan mein bas gaye hain
Salam un par ke jin ko naina tars gaye hain
درود ان پر جو روحِ قرآں میں جلوہ گر ہیں
سلام ان پر جو علم و حکمت کا مستقر ہیں
Darood un par jo rooh-e-quraan mein jalwa gar hain
Salam un par jo ilm o hikmat ka mustaqarr hain
درود ان پر کہ جن کا ہر فعل معجزہ ہے
سلام ان پر کہ لطف ہی جن کا مشغلہ ہے
Darood un par ke jin ka har fael mo'jiza hai
Salam un par ke lutf hi jinka mashghala hai
درود ان پر جو سن رہے ہیں کلامِ ناعت
سلام ان پر جو لے رہے ہیں سلامِ ناعت
Darood un par jo sun rahe hain kalam-e-naat
Salam un par jo le rahe hain salam-e-naat
درود ان پر جو روحِ ایمان جانِ دیں ہیں
سلام ان پر جو سب ہی کچھ ہیں خدا نہیں ہیں
Darood un par jo rooh-e-imaan jan-e-deen hain
Salam un par jo sab hi kuch hain Khuda nahi hain
درود ان پر جو رب کی تخلیقِ اولیں ہیں
سلام ان پر جو شاہکار اور آخریں ہیں
Darood un par jo Rab ki takhleeq-e-awwaleen hain
Salam un par jo shahkaar aur aakhireen hain
درود ان پر جو قلب و جاں کے نصاب میں ہیں
سلام ان پر کہ جن کے رتبے حجاب میں ہیں
Darood un par jo qalb o jaan ke nisaab mein hain
Salam un par ke jin ke rutbe hijaab mein hain
درود ان پر شجر حجر جن کو مانتے ہیں
سلام ان پر جو بھید سینوں کے جانتے ہیں
Darood un par shajar hijar jin ko maante hain
Salam un par jo bhed seenon ke jaante hain
درود ان پر کہ جن کے گیسو بھی مشکبو ہیں
سلام ان پر جو ابنِ آدم کی آبرو ہیں
Darood un par ke jin ke gesu bhi mushkbu hain
Salam un par jo ibn-e-Adam ki aabru hain
درود ان پر جو ہیں شفاعت کے تاج والے
سلام ان پر جو ہیں دو عالم کے راج والے
Darood un par jo hain shafa'at ke taaj wale
Salam un par jo hain do aalam ke raaj wale
درود ان پر کہ جن کی ہر آن جستجو ہے
سلام ان پر کہ جن کی ہر لب پہ گفتگو ہے
Darood un par ke jin ki har aan justuju hai
Salam un par ke jin ki har lab pe guftugu hai
درود اُن پر جو وجہِ تخلیقِ دو جہاں ہیں
سلام ان پر جو دونوں عالم کے سائباں ہیں
Darood un par jo wajah-e-takhleeq-e-do jahan hain
Salam un par jo dono aalam ke saaybaan hain
درود ان پر جبین جن کی ہے رشکِ خاور
سلام ان پر جو مصطفیٰ ہیں حبیبِ داور
Darood un par jabeen jinki hai rashk-e-khawar
Salam un par jo Mustafa hain Habeeb-e-daawar
درود ان پر ادب سکھایا ہے جن کا رب نے
سلام ان پر کہ جن کو سرور کہا ہے سب نے
Darood un par adab sikhaya hai jin ka Rab ne
Salam un par ke jin ko sarvar kaha hai sab ne
درود ان پر جو رفعتوں کے امین بھی ہیں
سلام ان پر جو لامکاں کے مکین بھی ہیں
Darood un par jo rif'atoon ke ameen bhi hain
Salam un par jo la-makaan ke makaan bhi hain
درود ان پر کہ جن کے الطاف بے کراں ہیں
سلام ان پر جو خوب مشفق ہیں مہرباں ہیں
Darood un par ke jin ke altaaf be kraan hain
Salam un par jo khoob mushfiq hain mehrban hain
درود ان پر کہ گوش ہیں بے مثال جن کے
سلام ان پر کہ خوب تر ہیں خصال جن کے
Darood un par ke gosh hain be misal jin ke
Salam un par ke khoob tar hain khisal jin ke
درود ان پر جو انبیاء کی دعاؤں میں ہیں
سلام ان پر جو دھڑکنوں کی صداؤں میں ہیں
Darood un par jo anbiya ki du'aaon mein hain
Salam un par jo dhadkanon ki sadaaon mein hain
درود ان پر کہ نام جن کا اذان میں ہے
سلام ان پر کہ ذکر ہر آسمان میں ہے
Darood un par ke naam jin ka azaan mein hai
Salam un par ke zikar har aasman mein hai
درود ان پر جو فہم و ادراک سے ورا ہیں
سلام ان پر جو کشتیٔ دل کے نا خدا ہیں
Darood un par jo fehm o idraak se wara hain
Salam un par jo kashti-e-dil ke na Khuda hain
درود ان پر کہ جن کے ابرو ہِلال جیسے
سلام ان پر غلام جن کے بِلال جیسے
Darood un par ke jin ke abru hilal jaise
Salam un par ghulam jin ke Bilal jaise
درود ان پر جو سائرِ لامکاں ہوئے تھے
سلام ان پر جو قاب قوسین تک گئے تھے
Darood un par jo sair-e-la-makaan huay the
Salam un par jo qaab-e-qosain tak gaye the
درود ان پر مقامِ محمود جن کا رتبہ
سلام ان پر کہ گنجِ عرفاں ہر ایک خطبہ
Darood un par maqam-e-mahmood jin ka rutba
Salam un par ke ganj-e-irfaan har aik khutba
درود ان پر جو بعدِ خالق رفیع تر ہیں
سلام ان پر جو نور ہیں شوکتِ بشر ہیں
Darood un par jo baad-e-Khaaliq rafee tar hain
Salam un par jo noor hain shaukat-e-bashar hain
درود ان پر جو بے نواؤں کے ہمنوا ہیں
سلام ان پر جو غم کے ماروں کے مقتضا ہیں
Darood un par jo be navaon ke hamnawa hain
Salam un par jo gham ke maaron ke muqtaza hain
درود ان پر کہ جن کی پلکیں بھی ہیں معطر
سلام ان پر کہ جن کی زلفیں بڑی معنبر
Darood un par ke jin ki palken bhi hain muattar
Salam un par ke jin ki zulfen badi maanbar
درود ان پر جو ایک دُر یتیم بھی ہیں
سلام ان پر یتیم پرور کریم بھی ہیں
Darood un par jo aik dur-e-yateem bhi hain
Salam un par yateem parvar kareem bhi hain
درود ان پر حرا میں جن کی مہک رچی ہے
سلام ان پر کہ ثور بھی جن کا ملتجی ہے
Darood un par hira mein jin ki mehak rachi hai
Salam un par ke thor bhi jin ka multaji hai
درود ان پر کہ جن کی آنکھوں نے رب کو دیکھا
سلام ان پر کہ چشمِ رحمت سے سب کو دیکھا
Darood un par ke jin ki ankhen ne Rab ko dekha
Salam un par ke chashm-e-rehmat se sab ko dekha
درود ان پر کہ وہ ہی مقصودِ کن فکاں ہیں
سلام ان پر جو عاصیوں پر بھی مہرباں ہیں
Darood un par ke woh hi maqsud-e-kon-o-makaan hain
Salam un par jo aasion par bhi mehrban hain
درود ان پر جو ماحیٔ درد و رنج و غم ہیں
سلام ان پر غلام بھی جن کے محترم ہیں
Darood un par jo maahi-e-dard o ranj o gham hain
Salam un par ghulam bhi jinke mohtaram hain
درود ان پر کہ جن کی بینی حسین، ستواں
سلام ان پر ہوئے تھے جو لامکاں کے مہماں
Darood un par ke jin ki beeni haseen, satwan
Salam un par huay the jo la-makaan ke mehman
درود ان پر جو شہرِ علم اور آگہی ہیں
سلام ان پر جو سر بسر ایک روشنی ہیں
Darood un par jo sheher-e-ilm aur agahi hain
Salam un par jo sar basar aik roshni hain
درود ان پر جو بہرِ امت حرا میں روئے
سلام ان پر جو عاصیوں کے لئے نہ سوئے
Darood un par jo bahr-e-ummat hira mein roye
Salam un par jo aasion ke liye na soye
درود ان پر کہ جن کے عارض قمر سے برتر
سلام ان پر کہ خلق جن کا ہے سب سے بہتر
Darood un par ke jin ke aariz qamar se bartaar
Salam un par ke khalq jin ka hai sab se behtar
درود ان پر جو دو جہانوں کی زندگی ہیں
سلام ان پر جو سارے نبیوں میں آخری ہیں
Darood un par jo do jahanon ki zindgi hain
Salam un par jo saare nabiyon mein aakhri hain
درود ان پر کہ جن کی صورت ہے پیاری پیاری
سلام ان پر کہ بس وہی ہیں حبیبِ باری
Darood un par ke jin ki soorat hai piaari piyaari
Salam un par ke bas wohi hain Habeeb-e-baari
درود ان پر کہ جن کی رنگت کھلی کھلی ہے
سلام ان پر کہ جن کو ہر سروری ملی ہے
Darood un par ke jin ki rangat khuli khuli hai
Salam un par ke jin ko har sarvari mili hai
درود ان پر کہ رخ ہے روشن کتاب ان کا
سلام ان پر نہیں ہے کوئی جواب ان کا
Darood un par ke rukh hai roshan kitaab un ka
Salam un par nahi hai koi jawab un ka
درود ان پر جو روحِ عالم شہِ عرب ہیں
سلام ان پر جو دو جہانوں کی تاب و تب ہیں
Darood un par jo rooh-e-aalam shah-e-Arab hain
Salam un par jo do jahanon ki taab o tab hain
درود ان پر کہ جن کے ہونٹوں میں دل کشی ہے
سلام ان پر کہ جن سے پھولوں میں تازگی ہے
Darood un par ke jin ke honton mein dilkashi hai
Salam un par ke jin se phoolon mein taazgi hai
درود ان پر کہ جن کی راہیں بھی ہیں معطر
سلام ان پر حریص جن کے ہیں مشک و عنبر
Darood un par ke jin ki rahein bhi hain muattar
Salam un par harees jin ke hain mushk o anbar
درود ان پر کہ ان کا دیدار زندگی ہے
سلام ان پر کہ ان کا اسوہ ہی روشنی ہے
Darood un par ke un ka deedaar zindagi hai
Salam un par ke un ka uswa hi roshni hai
درود ان پر کہ دُرِ نایاب جن کے دنداں
سلام ان پر دہن ہے جن کا خزانِ عرفاں
Darood un par ke dur-e-naayaab jin ke dandan
Salam un par dahan hai jin ka khazan-e-irfaan
درود ان پر جو نرم لہجے میں بولتے ہیں
سلام ان پر جو شہد کانوں میں گھولتے ہیں
Darood un par jo narm lehje mein bolte hain
Salam un par jo shehad kanon mein gholte hain
درود ان پر جو میرے دستِ سوال میں ہیں
سلام ان پر جو میرے ہر اک خیال میں ہیں
Darood un par jo mere dast-e-sawaal mein hain
Salam un par jo mere har ik khayaal mein hain
درود ان پر زبان جن کی ہے کن کی کنجی
سلام ان پر کہ وہ جو کہہ دیں وہ رب کی مرضی
Darood un par zubaan jin ki hai kun ki kunji
Salam un par ke woh jo keh dain woh Rab ki marzi
درود ان پر کہ جن پہ نازل ہوا ہے قرآں
سلام ان پر کہ جن کا ہر قول روحِ عرفاں
Darood un par ke jin pe naazil hua hai Quraan
Salam un par ke jin ka har qoul rooh-e-irfaan
درود ان پر کہ جن کے لہجے میں انگبیں ہے
سلام ان پر کہ جن کی ہر اک ادا حسیں ہے
Darood un par ke jin ke lehje mein angbeen hai
Salam un par ke jin ki har ik ada haseen hai
درود ان پر بشیر بھی ہیں نذیر بھی ہیں
سلام ان پر کہ جو سراجِ منیر بھی ہیں
Darood un par basheer bhi hain nazeer bhi hain
Salam un par ke jo siraj-e-muneer bhi hain
درود ان پر جو ہیں مکینِ دیارِ اطہر
سلام ان پر جو رب کے انوار کے ہیں مظہر
Darood un par jo hain makaan-e-diyaar-e-at'har
Salam un par jo Rab ke anwaar ke hain maz'har
درود ان پر سیاہ، گہری تھی ریشِ اطہر
سلام ان پر جو خلق میں ہر کسی سے برتر
Darood un par siyah, gehri thee raeesh-e-at'har
Salam un par jo khalq mein har kisi se bartaar
درود ان پر جو اپنی امت کو چاہتے ہیں
سلام ان پر جو ربِ سلم پکارتے ہیں
Darood un par jo apni ummat ko chahte hain
Salam un par jo Rab-e-salam pukarte hain
درود ان پر کہ جن کو کوثر عطا ہوا ہے
سلام ان پر جنہیں فترضیٰ کہا گیا ہے
Darood un par ke jin ko kauthar ata hua hai
Salam un par jinhein fartaza kaa gaya hai
درود ان پر کہ جن کی چوکھٹ کے ہم گدا ہیں
سلام ان پر جو ہم فقیروں کا آسرا ہیں
Darood un par ke jin ki chaukhat ke hum gada hain
Salam un par jo hum faqiron ka aasra hain
درود ان پر امین و صادق ہے جن کی شہرت
سلام ان پر کہ جودِ پیہم ہے ان کی عادت
Darood un par ameen o sadiq hai jin ki shohrat
Salam un par ke jood-e-peham hai in ki aadat
درود ان پر کہ خوب روشن ہے ان کی گردن
سلام ان پر کہ مشک و عنبر ہے ان کا دھوون
Darood un par ke khoob roshan hai in ki gardan
Salam un par ke mushk o anbar hai un ka dhovan
درود ان پر جو وجہِ تخلیقِ دو جہاں ہیں
سلام ان پر جو دونوں عالم کے سائباں ہیں
Darood un par jo wajah-e-takhleeq-e-do jahan hain
Salam un par jo dono aalam ke saaybaan hain
درود ان پر لعاب جن کا شفائے کامل
سلام ان پر کہ سب خزانے ہیں ان کو حاصل
Darood un par luaab jin ka shifa-e-kaamil
Salam un par ke sab khazane hain in ko haasil
درود ان پر کہ سینہ ابھرا ہوا کشادہ
سلام ان پر غذا تھی نانِ شعیر سادہ
Darood un par ke seena ubhra hua kushada
Salam un par ghaza thi naan-e-sha'ir saada
درود ان پر کہ مہر کاندھوں کے درمیاں میں
سلام ان پر کہ ہم ہیں ان ہی کے سائباں میں
Darood un par ke mehr kandhon ke darmiyan mein
Salam un par ke hum hain un hi ke saaybaan mein
درود ان پر کہ قد مبارک تھا درمیانہ
سلام ان پر کہ ان سے ملتا ہے آب و دانہ
Darood un par ke qad mubarak tha darmiyaana
Salam un par ke un se milta hai aab o daana
درود ان پر ہتھیلیاں تھیں گداز ان کی
سلام ان پر کہ انگلیاں تھیں دراز ان کی
Darood un par hatheliyan theen gudaaz in ki
Salam un par ke angliyan theen daraaz in ki
درود ان پر یدِ الہ جن کا دستِ عالی
سلام ان پر وہ ذات کتنی ہے شان والی
Darood un par yad-e-ilah jin ka dast-e-aali
Salam un par woh zaat kitni hain shaan wali
درود ان پر وہ چھو کے زرناب کرنے والے
سلام ان پر وہ سب کو سیراب کرنے والے
Darood un par woh choo ke zarnab karne wale
Salam un par woh sab ko siraab karne wale
درود ان پر کہ پائے اقدس ہیں جن کے نوری
سلام ان پر ادب ہے جن کا بہت ضروری
Darood un par ke pyae aqdas hain jin ke noori
Salam un par adab hai jin ka bohot zaroori
درود ان پر جو حسنِ بے مثل ہیں سراسر
سلام ان پر فریفتہ ہے جہان جن پر
Darood un par jo husn-e-be-misl hain sarasar
Salam un par fareefta hai jahan jin par
درود ان پر کہ جن کے تلوے ہیں ماہِ تاباں
سلام ان پر کہ جن کے نعلین تاجِ شاہاں
Darood un par ke jin ke talwe hain maahe taaban
Salam un par ke jin ke nualin taaj-e-shahan
درود ان پر پسینہ بھی مشکبار جن کا
سلام ان پر جناں کا پرتو دیار جن کا
Darood un par paseena bhi mushkbaar jin ka
Salam un par jannan ka partow diyaar jin ka
درود ان پر جو حشر میں سجدہ ریز ہوں گے
سلام ان پر جو پل پہ بھی مشک بیز ہوں گے
Darood un par jo hashar mein sajda reez honge
Salam un par jo pul pe bhi mushk baaz honge
درود ان پر جو چاند سورج پہ حکمراں ہیں
سلام ان پر کہ جن کے الطاف بے کراں ہیں
Darood un par jo chand sooraj pe hukmaran hain
Salam un par ke jin ke altaaf be kraan hain
درود ان پر کہ ان کی آواز پر کشِش تھی
سلام ان پر کہ سب پہ لطف و کرم رَوِش تھی
Darood un par ke un ki aawaaz per kashish thi
Salam un par ke sab pe lutf o karam rawish thi
درود ان پر جو سارے نبیوں کے رہنما ہیں
سلام ان پر جو سب رسولوں کے مقتدا ہیں
Darood un par jo saare nabiyon ke rehnuma hain
Salam un par jo sab rusulon ke muqtada hain
درود ان پر کہ جن سے رونق ہے دو جہاں میں
سلام ان پر کہ جن کی الفت ہے قلب و جاں میں
Darood un par ke jin se ro'nak hai do jahan mein
Salam un par ke jin ki ulfat hai qalb o jaan mein
درود ان پر کہ شاہزادی ہیں جن کی زینب
سلام ان پر نبی کی بیٹی ہے جن کا منصب
Darood un par ke shahzaadi hain jin ki Zainab
Salam un par nabi ki beti hai jin ka mansab
درود ان پر رقیہ بی بی ہیں جن کی دختر
سلام ان پر جو نور تھیں اور آلِ اطہر
Darood un par Ruqayya bibi hain jin ki dukhtar
Salam un par jo noor theen aur aal-e-athar
درود ان پر جو ام کلثوم کے ہیں بابا
سلام ان پر کہ جن کے بابا ہیں سب کے ملجا
Darood un par jo umm-e-kulthum ke hain baba
Salam un par ke jin ke baba hain sab ke malja
درود ان پر جو پارۂ جانِ مصطفیٰ ہیں
سلام ان پر جو امِ حسنین فاطمہ ہیں
Darood un par jo paara-e-jaan-e-Mustafa hain
Salam un par jo umm-e-Hussain Fatima hain
درود ان پر کہ نامِ نامی ہے جن کا قاسم
سلام ان پر جو ابنِ احمد ہیں آلِ ہاشم
Darood un par ke naam-e-naami hai jin ka Qasim
Salam un par jo ibn-e-Ahmed hain aal-e-Hashim
درود ان پر کہ اسمِ طیب ہے جن کا طاہر
سلام ان پر کہ کم ہے جن کی حیاتِ ظاہر
Darood un par ke ism-e-tayyib hai jin ka Tahir
Salam un par ke kam hai jin ki haayaat-e-zaahir
درود ان پر جو تیسرے ابنِ مطہر تھے
سلام ان پر کہ نام بالا ہے اس بحر سے
Darood un par jo teesray ibn-e-muttahir the
Salam un par ke naam baalaa hai is bahr se
درود ان پر جو بیبیاں ہیں ہماری مائیں
سلام ان پر کہ نام سن لیں تو سر جھکائیں
Darood un par jo bibiyan hain hamari maaen
Salam un par ke naam sun lain to sar jukaaen
درود ان پر کہ نور ہے جن کی آل ساری
سلام ان پر کہ نور ہے جن کے گھر سے جاری
Darood un par ke noor hai jin ki aal saari
Salam un par ke noor hai jin ke ghar se jaari
درود ان پر کہ جن کی ارفع ہے شان و شوکت
سلام ان پر کہ نور ہے جن کی ساری عترت
Darood un par ke jin ki arfha hai shaan o shaukat
Salam un par ke noor hai jin ki saari itrat
درود ان پر کہ جن کے اصحاب ہیں ستارے
سلام ان پر جو روشنی کے ہیں استعارے
Darood un par ke jin ke as'haab hain sitare
Salam un par jo roshni ke hain isteare
درود ان پر کہ جن کے پہلو میں بو بکر ہیں
سلام ان پر کہ جن کو مانگا تھا وہ عمر ہیں
Darood un par ke jin ke pehlu mein Abu Bakr hain
Salam un par ke jin ko manga tha woh Umar hain
درود ان پر حیا کے پیکر ہیں وہ غنی ہیں
سلام ان پر جو بابِ علم اور آگہی ہیں
Darood un par hayat ke paikar hain woh Ghani hain
Salam un par jo baab-e-ilm aur agahi hain
درود ان پر شبیہِ سرور حسن، حسن ہیں
سلام ان پر حسینِ عالی جو گلبدن ہیں
Darood un par shabih-e-sarvar Hassan, Hasan hain
Salam un par Hussain-e-aali jo gul badan hain
درود ان پر کہ جن کے بچوں نے سر کٹائے
سلام ان پر جو سر کٹا کر بھی مسکرائے
Darood un par ke jin ke bachon ne sar kataaye
Salam un par jo sar kutaakar bhi muskuraaye
درود ان پر کہ چاند تاروں میں جن کی ضو ہے
سلام ان پر کہ جن کا اشفاق نعت گو ہے
Darood un par ke chand taaron mein jin ki zo hai
Salam un par ke jin ka ashfaq naat go hai
Share This Naat
Share with friends and family
درود ان پر جو میرا موضوعِ گفتگو ہیں
اشفاق احمد غوری