مدینے کی ساری زمیں محترم ہے
مکان محترم ہے مکیں محترم ہے
Madeene ki saari zameen mohtaram hai
Makan mohtaram hai makeen mohtaram hai
در مصطفے پر جھکی جو ادب سے
خدا کی قسم وہ جبیں محترم ہے
Dar Mustafa par jhuki jo adab se
Khuda ki qasam woh jabeen mohtaram hai
جہاں کملی والے کا ہے آستانہ
وہ عرش علی سے کہیں محترم ہے
Jahan Kamli wale ka hai aastana
Woh arsh ali se kaheen mohtaram hai
رہا ہے محمد ﷺ کے قدموں کے نیچے
جبھی تو یہ عرش بریں محترم ہے
Raha hai Muhammad ﷺ ke qadmon ke neeche
Jabhi to yeh arsh bareen mohtaram hai
جہاں ذکر میلاد خیر البشر ہو
وہ گھر محترم وہ زمیں محترم ہے
Jahan zikr meelaad khair ul bashar ho
Woh ghar mohtaram woh zameen mohtaram hai
ہوا جو نیازی محمد ﷺ کا منگتا
وہ شاہوں سے بڑھ کر کہیں محترم ہے
Hua jo Niazi Muhammad ﷺ ka mangta
Woh shahon se barh kar kaheen mohtaram hai
Share This Naat
Share with friends and family
مدینے کی ساری زمیں محترم ہے
عبدالستار نیازی