ٹھنڈی ٹھنڈی میٹھی میٹھی جسم و جاں کی روشنی
دو جہاں کو دینے آیا دو جہاں کی روشنی
Thandi thandi meethi meethi jism o jaan ki roshni
Do jahan ko dene aaya do jahan ki roshni
اوڑھ کر نکلا بدن پر سچ کے سجدوں کا لباس
دے گیا محراب و منبر کو زباں کی روشنی
oRdh kar nikla badan par sach ke sajdon ka libas
De gaya mehraab o mimbar ko zabaan ki roshni
اُس کی آنکھوں میں گھلی ہے اُس کے باطن کی مٹھاس
جس طرح مسجد کے گنبد میں اذاں کی روشنی
Us ki aankhon mein ghuli hai us ke baatin ki mithaas
Jis tarah masjid ke gunbad mein azaan ki roshni
لوحِ دل پر لکھ دیا ہے اُس کا اسمِ لازوال
لامکاں کو بخش دی ہے لامکاں کی روشنی
Looh-e dil par likh diya hai us ka ism-e lazwal
La-makaan ko baksh di hai la-makaan ki roshni
اُس کی رحمت کا اگر ہر شخص پر سایہ نہ ہو
پھر کہاں کی کہکشائیں پھر کہاں کی روشنی
Us ki rehmat ka agar har shakhs par saaya na ho
Phir kahan ki kehkashan phir kahan ki roshni
اُس کے آنے سے چمک اٹھا ہے ہر شے کا مزاج
انجؔم اُس کے ساتھ اُتری آسماں کی روشنی
Us ke aane se chamak utha hai har she ka mizaaj
Anjum us ke saath utri aasmaan ki roshni
Share This Naat
Share with friends and family
ٹھنڈی ٹھنڈی میٹھی میٹھی جسم و جاں کی روشنی
انجم نیازی