جب بھی حصار غم کا مجھے توڑنا پڑا
مجھ کو در نبی کی طرف دیکھنا پڑا
Jab bhi hisar e gham ka mujhe tornay ka para
Mujh ko dar e Nabi ki taraf dekhna para
قسمت سے آگیا ہوں دیار رسول میں
اوج فلک کو میرا قدم چومنا پڑا
Qismat se aagaya hoon deyar e Rasool mein
Ouj e falak ko mera qadam choomna para
جس کو بھی مل سکا نہ قیامت میں آسرا
آخر اسے حضور ہی کو ڈھونڈنا پڑا
Jis ko bhi mil saka na qayamat mein aasra
Akhir usay huzoor hi ko dhoondna para
امکان کی حدوں سے میں آگے نکل گیا
جب نعت مصطفیٰ کے لئے سوچنا پڑا
Imkan ki hudon se mein aagay nikal gaya
Jab naat e Mustafa ke liye sochna para
یہ معجزہ ہے آپ کے خلق عظیم کا
جو مانتے نہیں تھے انہیں ماننا پڑا
Ye mo'jza hai aap ke khulq e azeem ka
Jo maantey nahi thay unhein maanna para
طوفاں کا زور ٹوٹ گیا ان کے فیض سے
خود حادثوں کو پیچھا مرا چھوڑنا پڑا
Toofan ka zor toot gaya unke faiz se
Khud hadson ko peechha mera chorna para
گم تھا میں ان کے شہر کے حسن و جمال میں
یہ کون درمیان میں اس وقت آ پڑا
Gum tha mein unke shehar ke husn o jamal mein
Ye kaun darmiyan mein us waqt aa para
جب کنکروں کو آپ نے اذن سخن دیا
مٹھی میں بوجہل کی انہیں بولنا پڑا
Jab kankron ko aap ne izin e sakhan diya
Muthi mein bujhal ki unhein bolna para
اتنا بھرا نبی نے مرا دامن مراد
غیروں کی سمت پھر نہ کبھی دیکھنا پڑا
Itna bhara Nabi ne mera daman e muraad
Ghairon ki simt phir na kabhi dekhna para
آؤ کہ کوئی بزم سجائیں حضور کی
دنیا کی محفلوں میں نیازی ہے کیا پڑا
Aao ke koi bazm sajayein huzoor ki
Duniya ki mehfilon mein Niazi hai kya para
Share This Naat
Share with friends and family
جب بھی حصار غم کا مجھے توڑنا پڑا
عبدالستار نیازی