عجب جشنِ بہاراں ہے ، شجر خوشیاں مناتے ہیں
شجر ہی کیا یہاں برگ و ثمر خوشیاں مناتے ہیں
Ajab jashn-e-baharaan hai, shajar khushiyan manate hain
Shajar hi kya yahan barg o samar khushiyan manate hain
مرے آقا کی اِس دُنیا میں آمد کا مہینہ ہے
زمین و آسماں ، شمس و قمر خوشیاں مناتے ہیں
Mere aaqa ki is duniya mein amad ka mahina hai
Zameen o asman, shams o qamar khushiyan manate hain
پلٹ کر جب بھی آتا ہے مہینہ اُن کی آمد کا
تو دیوانے یہاں بارِ دگر خوشیاں مناتے ہیں
Palat kar jab bhi aata hai mahina un ki amad ka
To deewane yahan bar-e-digar khushiyan manate hain
ملا جن کے تصدّق سے اِنہیں حُسنِ ضیا باری
تو شُکرانے میں یاں نجم و قمر خوشیاں مناتے ہیں
Mila jin ke tasadduq se inhein husn-e zia bari
To shukrane mein yan najam o qamar khushiyan manate hain
جزا خوشیاں منانے پر ملی ہے بُولہب کو بھی
ہیں ہم تو صاحبِ ایماں، نڈر خوشیاں مناتے ہیں
Jaza khushiyan manane par mili hai bolahab ko bhi
Hain hum to sahib-e imaan, nadar khushiyan manate hain
سبھی حُور و ملک غِلماں ، ہیں شاداں آسمانوں پر
زمیں پر بھی یہاں جنّ و بشر خوشیاں مناتے ہیں
Sabhi hoor o malak ghilman, hain shadan asmanon par
Zameen par bhi yahan jinn o bashar khushiyan manate hain
قدومِ مُصطفٰےجا کر لگے یثرب کی دھرتی پر
مدینہ ہو گیا لوگو ! حجر خوشیاں مناتے ہیں
Qadoom-e Mustafa ja kar lage Yasrab ki dharti par
Madina ho gaya logo ! hajar khushiyan manate hain
خوشی ہے دیدنی یارو ! محمّد کے غُلاموں کی
جو اُن کی یاد میں شام و سحر خوشیاں مناتے ہیں
Khushi hai deedni yaro ! Muhammad ke ghulamon ki
Jo un ki yaad mein shaam o seher khushiyan manate hain
سمجھ ہی جو نہیں پائے مرے مولا کے احساں کو
تو وہ آقا کی آمد پر کدھر خوشیاں مناتے ہیں
Samajh hi jo nahi paye mere maula ke ehsaan ko
To wo aaqa ki amad par kidhar khushiyan manate hain
ربیعُ النُّور کی بارہ جو گھر گھر میں اُجالا ہے
تو اِنساں ہی نہیں لوگو ! یہ گھرخوشیاں مناتے ہیں
Rabee'u al-noor ki barah jo ghar ghar mein ujala hai
To insaan hi nahi logo ! yeh ghar khushiyan manate hain
کیا احسان مولا نے حبیب اپنا ہمیں دے کر
جلیل اِس بات پر اہلِ نظر خوشیاں مناتے ہیں
Kya ehsaan maula ne habib apna humein de kar
Jaleel is baat par ahl-e-nazar khushiyan manate hain
Share This Naat
Share with friends and family
عجب جشنِ بہاراں ہے
حافظ عبدالجلیل