سایہ بھی مرا چل نہیں سکتا مرے آگے
قرآں مرے ہاتھوں پہ ہے آقاؐ مرے آگے
Saaya bhi mera chal nahi sakta mere aagay
Qur'an mere haathon pe hai Aaqaؐ mere aagay
لمحے کی تجوری میں ہیں صدیوں کے جواہر
ماضی کی طرح چلتا ہے فردا مرے آگے
Lamhay ki tijori mein hain sadiyon ke jawahir
Maazi ki tarah chalta hai farda mere aagay
پنگھٹ پہ محمدؐ کے کھڑا رہتا ہوں شب بھر
پانی بھرا کرتا ہے سویرا مرے آگے
Panghat pe Muhammadؐ ke khada rahta hoon shab bhar
Paani bhara karta hai sawera mere aagay
پڑھتا ہوں تو آنکھوں سے چمٹ جاتے ہیں الفاظ
دیباچہء محشر ہے یہ دنیا مرے آگے
Parhta hoon to aankhon se chimat jaate hain alfaaz
Dibacha-e-Mahshar hai yeh duniya mere aagay
جب آپؐ کے رستے کا سفر میں نے کیا ہے
دیوار نے بھی رکھ دیا کاندھا مرے آگے
Jab Aapؐ ke raste ka safar maine kiya hai
Deewar ne bhi rakh diya kandha mere aagay
اتنا در سرکار سے سیراب ہوا ہوں
دریا بھی نظر آتا ہے پیا سا مرے آگے
Itna dar Sarkar se sairab hua hoon
Darya bhi nazar aata hai piya sa mere aagay
تنہا تو نہ تھا میں سفر عشق نبیؐ میں
رستہ بھی محافظ کی طرح تھا مرے آگے
Tanha to na tha main safar-e-ishq-e-Nabiؐ mein
Rasta bhi muhafiz ki tarah tha mere aagay
امید مرے خوف پہ حاوی ہے مظفر
پیچھے ہے مرے موت مسیحا میرے آگے
Umeed mere khauf pe haawi hai Muzaffar
Peechay hai mere maut maseeha mere aagay
۔۔۔۔
۔۔۔۔
Share This Naat
Share with friends and family
سایہ بھی مرا چل نہیں سکتا مرے آگے
مظفر وارثی