قدم قدم پہ خدا کی مدد پہنچتی ہے
درود سے مرے دل کو رسد پہنچتی ہے
Qadam qadam pe Khuda ki madad pohanchti hai
Daruud se mere dil ko rsad pohanchti hai
یہ آسماں بھی وہاں تک نہیں پہنچ سکتے
جہاں تک آپ کے قدموں کی حد پہنچتی ہے
ye asamaan bhi wahan tak nahi pohanch sakte
Jahan tak aap ke qadmon ki had pohanchti hai
کرے زبان ازل جب بھی تذکرہ ان کا
سلام پڑھتی ہوائے ابد پہنچتی ہے
Kare zabaan azal jab bhi tazkra un ka
Salaam parrhti hawaaye abad pohanchti hai
سر اپنا پائے رسالت مآب ؐ پر رکھ دوں
لو آسماں پہ بلندیِ قد پہنچتی ہے
sar apna paaye Rasalat Maab ﷺ par rakh duun
Lo aasman pe bulandi e qad pohanchti hai
جلوس عشق نبیؐ کا ہو جس طرف سے گزر
مرے جنوں کو بھی لے کر خرد پہنچتی ہے
Juloos e ishq e Nabi ﷺ ka ho jis taraf se guzr
Mere junun ko bhi le kar khurd pohanchti hai
مرے حضورؐ کی آواز مجھ تلک اکثر
بہ خوبصورتیِ خال و خد پہنچتی ہے
Mere Huzoor ﷺ ki aawaaz mujh tak aksar
Ba khubsurati e khaal o khud pohanchti hai
کبھی یہاں چلے آتے ہیں بے سفر آقا
کبھی وہاں مری جاں بے جسد پہنچتی ہے
Kabhi yahan chale aate hain be safar Aaqa
Kabhi wahan meri jaan be jsad pohanchti hai
درود کا دیا جاتا ہے جب ثواب مجھے
بہشت تک مری دو گز لحد پہنچتی ہے
Daruud ka diya jaata hai jab sawaab mujhe
Bihisht tak meri do gaz lahd pohanchti hai
سلام ونعت مظفر ، یہاں میں پڑھتا ہوں
قبولیت کی حرم سے سند پہنچتی ہے
Salaam o naat Muzaffar, yahan mein parrhta huun
Qubuliyat ki Haram se sanad pohanchti hai
Share This Naat
Share with friends and family
قدم قدم پہ خدا کی مدد پہنچتی ہے
مظفر وارثی