تیرے منگتے نے سب چنگے تے ماڑے یا رسول اللہ
خُدارا سُن لوؤ میرے وی ہاڑے یارسول اللہ
Tere mangte ne sab change te marre ya Rasool Allah
Khu-da-ra sun lo mere vi hare ya Rasool Allah
سہارا دے دیو دُنیا دے وچ وی بے سہارے نوں
تے رکھیو لاج محشر دے دیہاڑے یا رسول اللہ
Sahaara de deo duniya de vich vi be sahaare nu
Te rakhiyo laaj mahshar de dihare ya Rasool Allah
بھڑکدی اگ رہندی اے سدا دل وچ جُدائیاں دی
کدوں مُکن گے ایہہ درداں دے ساڑے یارسول اللہ
Bharakdi ag rehndi ae sada dil vich jodaiyaan di
Kadun mukange eh dardan de saare ya Rasool Allah
کدی اقصیٰ دے وچ بارات ناں سج دی رسولاں دی
تسمیں جے اوسدے بَن دے ناں لاڑے یارسول اللہ
Kadi Aqsa de vich barat na saj di rasoolan di
Tasmin je osde ban de na laare ya Rasool Allah
بہاراں لے کے آجاؤ کدی تے خواب دے اندر
خزاواں باغ آسماں دے اُجاڑے یا رسول اللہ
Baharan le ke ajavo kadi te khawab de andar
Khazawan bagh aasman de ujaare ya Rasool Allah
میں بے پَر ہاں تے میتھوں دُور ہے بستی مدینے دی
تُساں باہجھوں نئیں مل سکدے ایہہ پاڑے یا رسول اللہ
Main be par han te metho dur hai basti Madine di
Tusan bahjun naiin mil sakde eh paare ya Rasool Allah
بتھیری صبر دی دولت لُکا کے سانبھ کے رکھاں
جُدائی مار دی رہندی اے دھاڑے یا رسول اللہ
Batheeri sabar di dolat luka ke sanbh ke rakhan
Judai maar di rehndi ae dhare ya Rasool Allah
ایہہ صائم دوش کی دیوے تیری رحمت نُوں یا آقا
میں اپنے کم آپے نے وگاڑے یارسول اللہ
Eh Sa'im dosh ki deve teri rehmat nu ya Aka
Main apne kam aape ne vagaare ya Rasool Allah
Share This Naat
Share with friends and family
تیرے منگتے نے سب چنگے تے ماڑے یا رسول اللہ
علامہ صائم چشتی