مدینے کی طرف مائل رہے میری نظر آقا
ترے فرمان کے تابع رہوں میں عمر بھر آقا
Madine ki taraf mail rahe meri nazar aqa
Tere farman ke tabe rahoon main umar bhar aqa
مرے اس دور کو پھر اُن جیالوں کی ضرورت ہے
کہاں سے ڈھونڈ کر لاؤں ابوبکر و عمر آقا
Mere is daur ko phir un jiyalon ki zarurat hai
Kahan se dhoond kar lao abubakr o umar aqa
ستاروں سے کہیں بڑھ کر مقدّس ہے زمیں تیریؐ
گلابوں کی طرح مہکا ہوا تیراؐ نگر آقا
Sitaron se kahin barh kar muqaddas hai zameen teri
Gulabon ki tarah mehka hua tera nagar aqa
مجھے نسبت ہو تیریؐ ذاتِ با برکات سے اتنی
لگا ہو جس طرح شاداب پیڑوں پر ثمر آقا
Mujhe nisbat ho teri zaat-e-ba barkat se itni
Laga ho jis tarah shadab pedon par samar aqa
مری اتنی سی خواہش ہے کہ میں زندہ رہوں جب تک
مرا ہر ایک لمحہ ہو تریؐ خاطر بسر آقا
Meri itni si khwahish hai ke main zinda rahoon jab tak
Mera har aik lamha ho teri khatir basar aqa
خدا پیدا نہ کرتا گر تریؐ ذاتِ مقدس کو
خدا جانے کہاں ، کس حال میں ہوتا بشر آقا
Khuda paida na karta gar teri zaat-e-muqaddas ko
Khuda jaane kahan, kis haal main hota bashar aqa
مجھے درکار ہے تیراؐ سہارا دین و دنیا میں
مجھے در پیش ہے دونوں جہانوں کا سفر آقا
Mujhe darkar hai tera sahara deen o duniya main
Mujhe dar pesh hai donon jahanon ka safar aqa
Share This Naat
Share with friends and family
مدینے کی طرف مائل رہے میری نظر آقا
انجم نیازی