ہو گیاں رو رو کے اکھّیاں لالی کملیؐ والیا
دَسیا جائے نہ دِل دا حال کملیؐ والیا
Ho gayaan ro ro ke akkhiyaan laali Kamliؐ valiya
Dasiya jaaye na dil da haal Kamliؐ valiya
میرا اِک بازو تے ٹُٹ کے میرے گل نوں آگیا
وَساّں کیہ بیتی جو میرے نال کملیؐ والیا
Mera ik baazu te tutt ke mere gal nu aagya
Vasaan ke bitti jo mere naal Kamliؐ valiya
اوہو چن تارا مِرے جھنڈے دا نمھا پے گیا
جھَلی نہیں جاندی سی جس دی جھال کملیؐ والیا
Oho chan taara mere jhande da namha pe gaya
Jhali nahi jandi si jis di jhaal Kamliؐ valiya
قلعہ تیرے دین دا کجُھ ڈھہ گیا کجُھ ڈولیا
رَل کے چلی دُشمناں اوہ چال کملیؐ والیا
Qila tere deen da kujh dhah gaya kujh dolya
Ral ke chali dushmanaan oh chaal Kamliؐ valiya
لبّھی سی جنہوں وراثت وچ علی ؓ دی ذُوالفقار
جھوں گیا اُس قوم دا اقبال کملیؐ والیا
Labhi si jinu viraasat vich Ali ؓ di Zulfiqar
Jhoon gaya us qaum da Iqbal Kamliؐ valiya
مَیں تے پشلے ور ہے دے مُکّن توں پہلاں مک گیا
لے کےکیہ آیا اے ہُن ایہہ سال کملیؐ والیا
Main te pishle var hain de mukkan ton pehlan muk gaya
Le ke ki aaya ae hun eh saal Kamliؐ valiya
منگ اپنے ربّ دے کولوں اپنی اُمّت لئی امان
مکر دے لگّے نیں تھاں تھاں جال کملیؐ والیا
Mang apne Rabb de koloan apni Ummat laiyi amaan
Makar de lagge ne thaan thaan jaal Kamliؐ valiya
ہن وی جے اُدّم اسیں کریئے تے بدلن قسمتاں
ہن وی نہیں رحمت تری دا کال کملیؐ والیا
Hun vi je uddam asin kariye te badlan qismataan
Hun vi nahi rehmat teri da kaal Kamliؐ valiya
ساڈے چا لے ویکھ کے کھچّیں نہ توں شفقت دا ہتھ
تیری شفقت تے ہے ساڈی ڈھال کملیؐ والیا
Saade chaa le vekh ke kachhien na tu shafqat da hath
Teri shafqat te hai saadi dhal Kamliؐ valiya
مان ہے تائب نوں جے ساڈی سفارش توں کریں
ربّ دوے گا آفتاں سبھ ٹال کملی والیا
Maan hai Taaeb nu je saadi sifarish ton karin
Rabb deve ga aftaan sabh taal Kamliؐ valiya
Share This Naat
Share with friends and family
ہو گیاں رو رو کے اکھّیاں لالی کملیؐ والیا
حفیظ تائب