کعبے کی جبیں خم ہے بتعظیمِ پیمبر
ہیں جلوہ نما دہر میں کونین کے سرور
Kaabe ki jabeen kham hai batazeem-e-paimbar
Hain jalwa numa daur mein konain ke sarwar
پوچھے تو کوئی دائی حلیمہ سے یہ جا کر
کس طرح سنور جاتا ہے پل بھر میں مقدر
Pooche to koi daai Haleema se yeh ja kar
Kis tarah sanwar jata hai pal bhar mein muqaddar
منزل کا پتہ پا گئے گم گشتۂ منزل
مبعوث ہوئے دہر میں جب ہادیِ اکبر
Manzil ka pata paa gaye gum gashta-e-manzil
Mab'oos hue daur mein jab haadi-e-akbar
صدیوں سے جہاں قبضۂ ظلماتِ ستم تھا
روشن ہے اخوت کا وہاں مہرِ منور
Sadiyon se jahan qabza-e-zulmaat-e-sitam tha
Roshan hai akhuwwat ka wahan mehr-e-munawar
تفریق جہاں کل تھی حسب اور نسب کی
سب شیر و شکر اب ہیں مساوات میں ڈھل کر
Tafreeq jahan kal thi hasb aur nasab ki
Sab sheer o shakar ab hain masawat mein dhal kar
غلمان و ملائک ہوں کہ حورانِ بہشتی
دیتے ہیں سلامی درِ آقاؐ پہ سب آکر
Ghilmaan o malaaik hoon ke hooraan-e-beheshti
Dete hain salaami dar-e-aqa(a) pe sab aakar
باطل کی سیادت تھی بہر سمت جہاں میں
آپ آئے تو تبدیل ہوا عالمی منظر
Batil ki siadat thi bahar simt jahan mein
Aap aaye to tabdeel hua aalami manzar
لکھنا ہے اگر نعتِ نبیؐ ہو کے مؤدب
کر بوئے عقیدت سے قلم پہلے معطر
Likhna hai agar naat-e-nabi(a) ho ke moaddab
Kar boo-e-aqeedat se qalam pehle muattur
تو خوب دکھا جوہرِ فنِ نعت میں احسؔن
توہین کی منزل سے حدِ شرک سے بچ کر
To khoob dikha johar-e-fan-e-naat mein Ahsan
Tauheen ki manzil se had-e-shirk se bach kar
Share This Naat
Share with friends and family
کعبے کی جبیں خم ہے بتعظیمِ پیمبر
احسن اعظمی