چمنِ طیبہ میں سُنبل جو سنوارے گیسو
حُور بڑھ کر شِکن ناز پہ وارے گیسو
Chaman-e-Taybah mein sunbul jo sanware gaisu
Hoor barh kar shikan naaz pe waare gaisu
کی جو بالوں سے تِرے روضہ کی جاروب کشی
شب کو شبنم نے تبرک کو ہیں دھارے گیسو
Ki jo baalon se tere rawza ki jaroo b kashi
Shab ko shabnam ne tabarruk ko hain dhaare gaisu
ہم سِیہ کاروں پہ یاربّ تپشِ محشر میں
سایہ افگن ہوں تِرے پیارے کے پیارے گیسو
Hum siyah kaaron pe yarabb tapashe mahshar mein
Saya afgan hoon tere pyare ke pyare gaisu
چرچے حُوروں میں ہیں دیکھو تو ذرا بال براق
سُنبلِ خلد کے قربان اُتارے گیسو
Charchay hooron mein hain dekho to zara baal baraaq
Sunbul-e-khald ke qurban utaare gaisu
آخرِ حج غمِ اُمّت میں پریشاں ہو کر
تِیرہ بختوں کی شفاعت کو سدھارے گیسو
Aakhir-e-hajj gham-e-ummat mein pareshaan ho kar
Tera bakhtoon ki shafaat ko sudhaare gaisu
گوش تک سُنتے تھے فریاد اب آئے تادوش
کہ بنیں خانہ بدوشوں کو سہارے گیسو
Gosh tak sunte the faryad ab aaye ta dush
Ke bane khana badushon ko sahaare gaisu
سُوکھے دھانوں پہ ہمارے بھی کرم ہو جائے
چھائے رحمت کی گھٹا بن کے تمہارے گیسو
Sookhe dhanon pe hamare bhi karam ho jaaye
Chhaye rehmat ki ghata ban ke tumhare gaisu
کعبۂ جاں کو پنھایا ہے غلافِ مُشکیں
اُڑ کر آئے ہیں جو اَبرو پہ تمہارے گیسو
Kaaba-e-jaan ko panhaya hai ghilaaf-e-mushkeen
Udd kar aaye hain jo abroo pe tumhare gaisu
سِلسلہ پا کے شفاعت کا جھکے پڑتے ہیں
سجدئہ شکر کے کرتے ہیں اِشارے گیسو
Silsila pa ke shafaat ka jhuke padte hain
Sajdah shukar ke karte hain ishaare gaisu
مُشک بُو کوچہ یہ کس پھول کا جھاڑا ان سے
حُوریو عنبرِ سارا ہوئے سارے گیسو
Mushk boo koocha yeh kis phool ka jhaara un se
Hooriyo anbar-e-saara huye saare gaisu
دیکھو قرآں میں شبِ قدر ہے تا مطلعِ فجر
یعنی نزدیک ہیں عارِض کے وہ پیارے گیسو
Dekho Quran mein shab-e-qadr hai ta matla-e-fajr
Yani nazdeek hain aarz ke woh pyare gaisu
بِھینی خوشبو سے مہک جاتی ہیں گلیاں واللہ
کیسے پھولوں میں بسائے ہیں تمہارے گیسو
Bheeni khushboo se mehak jaati hain galiyan wallah
Kaise phoolon mein basaye hain tumhare gaisu
شانِ رحمت ہے کہ شانہ نہ جُدا ہو دم بھر
سینہ چاکوں پہ کچھ اس درجہ ہیں پیارے گیسو
Shaan-e-rehmat hai ke shana na juda ho dam bhar
Seena chakon pe kuch is darja hain pyare gaisu
شانہ ہے پنجۂ قدرت تِرے بالوں کے لئے
کیسے ہاتھوں نے شہا تیرے سنوارے گیسو
Shana hai panja-e-qudrat tere baalon ke liye
Kaise haathon ne shaha tere sanware gaisu
اُحدِ پاک کی چوٹی سے اُلجھ لے شب بھر
صبح ہونے دو شبِ عید نے ہارے گیسو
Uhud-e-pak ki choti se uljh le shab bhar
Subah hone do shab-e-eid ne haare gaisu
مژدہ ہو قبلہ سے گھنگھور گھٹائیں اُمڈیں
اَبرووں پر وہ جھکے جھوم کے بارے گیسو
Mujdah ho qibla se ghanghor ghataein umdein
Abroon par woh jhuke jhoom ke baare gaisu
تارِ شیرازۂ مجموعۂ کونین ہیں یہ
حال کھل جائے جو اِک دم ہوں کنارے گیسو
Taar-e-sheeraaza-e-majmooa-e-konein hain yeh
Haal khil jaaye jo ik dam hon kinare gaisu
تیل کی بُوندیں ٹپکتی نہیں بالوں سے رضاؔ
صبح عارِض پہ لٹاتے ہیں سِتارے گیسو
Teel ki boondein tapakti nahin baalon se Raza
Subah aarz pe lataate hain sitare gaisu
Share This Naat
Share with friends and family
چمنِ طیبہ میں سُنبل جو سنوارے گیسو
احمد رضا خان بریلوی