پڑھاں نعتاں ، کراں عرضاں ترے قدماں دے وچ آقاؐ
مقدر اپنے چمکاواں ترے قدماں دے وچ آقاؐ
Paṛhāṁ nātāṁ, karāṁ arzāṁ taray kadmāṁ de vich āqāﷺ
Maqaddar apnay chamkāwāṁ taray kadmāṁ de vich āqāﷺ
سناواں ہور کس نوں اپنی ہڈ بیتی تے روگ اپنے
کہانی درد دی چھوہواں ترے قدماں دے وچ آقاؐ
Sanāwāṁ hor kis nūṁ apnī haḍ bītī te rog apnay
Kahānī dard dī choḥawāṁ taray kadmāṁ de vich āqāﷺ
سلامی دے کے میں تینوں تے تیرے سنگیاں تائیں
توجہ اک تری لوڑاں ترے قدماں دے وچ آقاؐ
Salāmī de ke main tainūṁ te tayray sangīāṁ tāiṁ
Tawajjo ik terī loṛāṁ taray kadmāṁ de vich āqāﷺ
لٹاواں سُچےّ موتی ہنجواں دے پھُل عقیدت دے
تے ہولا پھُل جیہا ہوواں ترے قدماں دے وچ آقاؐ
Laṭāwāṁ suchay motī hanjwāṁ de phul aqīdat de
Te holā phul jihā howāṁ taray kadmāṁ de vich āqāﷺ
تری امت گھری اے ڈاہڈیاں بد بختیاں اندر
میں خیراں ایہدیاں منگاں ترے قدماں دے وچ آقاؐ
Terī ummat gharī ae dāhḍīāṁ bad bakhtīāṁ andar
Main khairāṁ eidhiāṁ māngāṁ taray kadmāṁ de vich āqāﷺ
Share This Naat
Share with friends and family
پڑھاں نعتاں ، کراں عرضاں ترے قدماں دے وچ آقاؐ
حفیظ تائب