صحنِ گلشن میں گھٹا نور کی چھائی ہوئی ہے
ایسا لگتا ہے یہاں مدح سرائی ہوئی ہے
Sahn-e-gulshan mein ghata noor ki chhai hui hai
Aisa lagta hai yahan madah sarai hui hai
بہرِ توصیفِ نبی رفعتِ قرآنی سے
کھیپ لفظوں کی مرے ذہن میں آئی ہوئی ہے
Behar-e-tauseef-e-nabi rif'at-e-qur'aani se
Kheyp lafzon ki mere zehan mein aai hui hai
بے سبب تو نہیں مہر و مہ و اختر روشن
آسمانوں میں تری جلوہ نمائی ہوئی ہے
Be sabab to nahi mehr o mah o akhtar roshan
Aasmanon mein teri jalwa numai hui hai
دن ہے سرکار کی پیشانیٔ اطہر میں مگن
رات محبوب کی زلفوں میں سمائی ہوئی ہے
Din hai sarkar ki peshani-e-athar mein magan
Raat mehboob ki zulfon mein samai hui hai
الفتِ نقشِ کفِ پائے رسالت کے سبب
جانبِ خلد مری راہ نمائی ہوئی ہے
Ulfat-e-naqsh-e-kaf-e-paaye risaalat ke sabab
Janib-e-khald meri raah numai hui hai
حرف در حرف ہیں مدحت کے سہانے منظر
میں نے قرطاس پہ اک خلد بسائی ہوئی ہے
Harf dar harf hain madahat ke sohaane manzar
Maine qirtaas pe ik khald basai hui hai
وہ ہے سلطان زمانے کے شہنشاہوں کا
جس کی قسمت میں مدینے کی گدائی ہوئی ہے
Woh hai sultan zamane ke shehanshahoon ka
Jis ki qismat mein madine ki gadaai hui hai
نامِ اشفاقؔ بھی لکھ لیجئے مداحوں میں
میں نے بھی نعت سرِ بزم سنائی ہوئی ہے
Naam-e-Ashfaq bhi likh lijiye madahon mein
Maine bhi naat sar-e-bazm sunai hui hai
Share This Naat
Share with friends and family
صحنِ گلشن میں گھٹا نور کی چھائی ہوئی ہے
اشفاق احمد غوری