لہجۂِ گل سے عنادل نے ترنم سیکھا
اور غنچوں نے تبسم سے تبسم سیکھا
Lahja-e-Gul se anadil ne tarannum seekha
Aur ghunchoon ne tabassum se tabassum seekha
نطقِ یوحٰی کے فدائی ہوئے عالم کے بلیغ
میرے افصح سے فصیحوں نے تکلم سیکھا
Nutq-e-Yuhya ke fadayi huwe alam ke baleegh
Mere afsah se faseehon ne takallum seekha
اللہ اللہ صحابہ تِرے سبقت والے
جن سے عالم نے تبرُّع میں تقدم سیکھا
Allah Allah sahaba tire sabqat walay
Jin se alam ne tabarru mein taqaddum seekha
کثرتِ جود سے دریا نے روانی پائی
جوشِ رحمت سے ہے موجوں نے تلاطم سیکھا
Kasrat-e-jood se darya ne rawani payi
Josh-e-rehmat se hai maujon ne talatum seekha
یہ بھی من جملہ خصائص ہے کہ امّت میں تری
فاقدِ آبِ طہارت نے تیمم سیکھا
Yeh bhi man jumla khusais hai ke ummat mein teri
Faqid-e-aab-e-taharatt ne tayammum seekha
علمِ کونین تِرا قطرۂِ دریائے علوم
عقلِ عالم نے ترے در سے تفہم سیکھا
Ilm-e-kownain tera qatra-e-darya-e-ulum
Aql-e-alam ne tere dar se tafahhum seekha
بکھری اشیا ہیں مرتب ترے گیسو کے طفیل
بے تنظم نے اسی در سے تنظم سیکھا
Bikhri ashya hain murattab tere gaisu ke tufail
Be tanazzum ne isi dar se tanazzum seekha
نوعِ انسان نے جانا یہیں انساں ہونا
وحشیوں نے تِری رحمت سے ترحم سیکھا
Nau-e-insan ne jaana yahin insan hona
Wahshiyon ne teri rehmat se tarahhum seekha
اے معظمؔ ! ہے اسی در پہ یقیں کی دولت
اور ہر جا سے تو عالم نے توہم سیکھا
Ae Moazzam! hai isi dar pe yaqeen ki dolat
Aur har ja se tu alam ne tahu’h’m seekha
Share This Naat
Share with friends and family
لہجۂِ گل سے عنادل نے ترنم سیکھا
معظم سدا معظم مدنی