مری حیات کا گر تجھ سے انتساب نہیں
تو پھر حیات سے بڑھ کر کوئی عذاب نہیں
Meri hayat ka gar tujh se intesab nahi
To phir hayat se barh kar koi azab nahi
اُمڈ رہی ہیں اگر آندھیاں ‘ تو کیا غم ہے
کہ میرا خیمہء ایمان بے طناب نہیں
Umand rahi hain agar aandhiyan ' to kya gham hai
Ke mera kheema-e-iman be tanab nahi
ترا گدا ہوں ‘ اور اِس اَنجمن میں بیٹھا ہوں
جس اَنجمن میں سَلا طیں بھی باریاب نہیں
Tera gada hoon ' aur is anjuman mein baitha hoon
Jis anjuman mein sultin bhi baryab nahi
ترے کمالِ مساوات کی قسم ہے مجھے
کہ تیرے دیں سے بڑا کوئی انقلاب نہیں
Tere kamal-e-masawat ki qasam hai mujhe
Ke tere deen se bara koi inqilab nahi
صدی صدی کی تورایخِ آدَمِیَّت میں
تری مثال نہیں ہے ‘ ترا جواب نہیں
Sadi sadi ki to raakhe adamiyat mein
Teri misaal nahi hai ' tera jawab nahi
ندیمؔ پر ترے احساں ہیں اِس قدر ‘ جن کا
کوئی شمار نہیں ہے ‘ کوئی حساب نہیں
Nadeem par tere ehsan hain is qadar ' jin ka
Koi shumaar nahi hai ' koi hisaab nahi
Share This Naat
Share with friends and family
مری حیات کا گر تجھ سے انتساب نہیں
احمد ندیم قاسمی