درِ اقدس پہ جا کر ہم یہ مَیلا مَن اُجالیں گے
کہ رو رو کر ، گنہ دھو کر کے آقا کو منا لیں گے
dar-e-aqdas pe ja kar hum ye maila manh ujar lenge
ke ro ro kar, gunah dho kar ke aaqa ko mana lenge
غلامِ مصطفیٰ کوئی ہمیں اے کاش یہ کہہ دے
کبھی ملنا تمہارے مسئلے کا حل نکالیں گے
ghulaam-e-Mustafa koi humein ae kaash ye keh de
kabhi milna tumhare masle ka hal nikaal lenge
یہی اک سوچ بس اپنی ، تسلّی دل کو دیتی ہے
گنہگاروں کو محشر میں وہ دامن میںچھپا لیں گے
yehi ek soch bas apni, tasalli dil ko deti hai
gunahgaron ko mehshar mein wo daaman mein chhupa lenge
سرِ نوکِ سِناں ، ثابت کیا ہے ابنِ حیدر نے
کٹا کر سارے کُنبے کو نبی کا دیں بچا لیں گے
sar-e-nok-e-sinaa, saabit kiya hai ibn-e-Haidar ne
kata kar saare kunbe ko nabi ka deen bacha lenge
کرم ہر بار آقا نے کیا ہے ہم غریبوں پر
یہی اُمّید ہے آقا مدینے پھر بلا لیں گے
karam har baar aaqa ne kiya hai hum ghareebon par
yehi ummid hai aaqa Madine phir bula lenge
لگن سچی اگر لے کر مدینے ہم چلے جائیں
تو قدموں میں ہمیں اپنے سخی آقا بٹھا لیں گے
lagan sacchi agar le kar Madine hum chale jayein
to qadmoin mein humein apne sakhi aaqa bitha lenge
اگر مٹی ملے سرکار کے شہرِ مقدس کی
تو سُرمہ اپنی آنکھوں کا وہیں اُس کو بنا لیں گے
agar mitti mile Sarkar ke shehr-e-muqaddas ki
to surma apni aankhon ka wahiin us ko bana lenge
جو نامُوسِ رسالت پر کہیں بھی بات آئے گی
تو ہے عہدِ وفا داری ، سو گردن بھی کٹا لیں گے
jo namoos-e-risalat par kahin bhi baat aayegi
to hai ahd-e-wafa daari, so gardan bhi kata lenge
کرے گا سُرخرو مولا ، ہمیں صدقے محمد کے
اگر ہم اپنے مولا سے کیا وعدہ نبھا لیں گے
kare ga surkhro Moula, humein sadqay Muhammad ke
agar hum apne Moula se kiya wada nibha lenge
بہت پڑ جائے گی ٹھنڈک کلیجے میں جلیل اپنے
کہ دُکھڑے عمر بھر کے جب اُنہیں جا کر سنا لیں گے
bohot parh jaaye gi thandak kaleje mein Jaleel apne
ke dukhde umar bhar ke jab unhein ja kar suna lenge
Share This Naat
Share with friends and family
درِ اقدس پہ جا کر ہم
حافظ عبدالجلیل