سعادت یہ خیر اُلبشرؐ دیجئے
اُجالوں سے دامن کو بھر دیجئے
Saadat yeh khair-ul-bashar ﷺ dijiye
Ujhalon se daaman ko bhar dijiye
مری برق پائی کو ہے انتظار
مجھے آپ اِذنِ سفر دیجئے
Meri barq paayi ko hai intazaar
Mujhe aap izin-e-safar dijiye
طلب گارِ دیدار ہوں یا نبیؐ
جھلک اک شہِ بحر و بر دیجئے
Talab gaar-e-deedaar hoon ya Nabi ﷺ
Jhalak ek sheh-e-bahr o bar dijiye
ہمیشہ ثناء گوئی کرتا رہوں
مجھے مدحتوں کا ہنر دیجئے
Hamesha sanaa goyi karta rahoon
Mujhe madhaton ka hunar dijiye
’’مواجہ‘‘ پہ روزانہ ہو حاضری
مدینے کے شام و سحر دیجئے
“Muwajah” pe rozana ho haazri
Madine ke shaam o seher dijiye
کروں آپؐ کی نذر اشکِ رواں
مجھے سوزِ دل، چشمِ تر دیجئے
Karoon aap ﷺ ki nazr ashk-e-rawan
Mujhe soz-e-dil, chashm-e-tar dijiye
سرِ ناز اشفاقؔ ہے مضطرب
جھکانے کو سر ، سنگِ در دیجئے
Sar-e-naaz Ashfaq hai muztarib
Jhukane ko sar, sang-e-dar dijiye
Share This Naat
Share with friends and family
سعادت یہ خیر اُلبشرؐ دیجئے
اشفاق احمد غوری