کمی جو آنے نہ دے محبت میں ایسے درد ِ جگر کے صَدقے
جو رات دِن دید کو ترستی رہے میں اس چشمِ تر کے صدقے
Kamee jo anay na day mohabbat mein aisay dard-e-jigar kay sadqay
Jo raat din deed ko tarasti rahay mein is chashm-e-tar kay sadqay
بنائے کافر کو جو مُسلماں چُبھے جو دل میں مثالِ پیکاں
مَیں ایسی بانکی ادا کے قرباں مَیں ایسی ترچھی نظر کے صدقے
Banaye kaafir ko jo musalman chubhay jo dil mein misaal-e-paikan
Main aisi banki ada kay qurban main aisi tarchi nazar kay sadqay
رُخِ مبارک ہَے روزِ روشن تو زلف مشکیں شبِ محبت
مَیں ایسے دِن رات کے تصدق میں ایسی شام و سحر کے صَدقے
Rukh-e-mubarak hai roz-e-roshan to zulf mushkeen shab-e-mohabbat
Main aisay din raat kay tasadduq mein aisi shaam o sehar kay sadqay
تِری نگاہوں کو دیکھنے والے سارے میخواربن گئے ہیں
مَیں ایسی میخواریوں کے قرباں مَیں ایسے فیضِ نظر کے صَدقے
Teri nigahon ko dekhne walay saray maykhwar ban gaye hain
Main aisi maykhwariyon kay qurban main aisay faiz-e-nazar kay sadqay
مِری نظر میں وفا کی دُنیا تو کب کی ویران ہو چکی ہے
اسے ابھی تک خبر نہیں ہَے میں اس دلِ بیخبر کے صَدقے
Meri nazar mein wafa ki duniya to kab ki weeran ho chuki hai
Usay abhi tak khabar nahi hai main is dil-e-bekhbar kay sadqay
جو ہو میسّر غبارِ کُوئے حبیب آنکھوں میں ڈالنے کو
تو چشمِ خورشید بھی خدا کی قسم ہو میری نظر کے صَدقے
Jo ho myassar ghubar-e-kooye Habeeb aankhon mein dalnay ko
To chashm-e-khurshid bhi Khuda ki kasam ho meri nazar kay sadqay
نہ اُٹھ سکے گی تمہاری چوکھٹ سے تا قیامت جبینِ اعظم
کہ دَر ہَے قربان اس جبیں پر جبیں ہے اس سنگِ در کے صَدقے
Na uth sakay gi tumhari chaukhat say taa qayamat jabeen-e-Azam
Ke dar hai qurban us jabeen par jabeen hai is sang-e-dar kay sadqay
Share This Naat
Share with friends and family
کمی جو آنے نہ دے محبت میں
محمد اعظم چشتی